Осы аптада қазақстандықтар алдағы мерекеге байланысты үш күн қатарынан демалады, — деп хабарлайды Aspan.info.
2024 жылы 8 наурыз жұмаға сәйкес келеді. Сондықтан бес күндік жұмыс аптасында жұмыс істейтін қазақстандықтар үш күн қатарынан – 8, 9 және 10 наурыз (жұмадан жексенбіге дейін) демалады.
8 наурызда Қазақстанда Халықаралық әйелдер күні тойланады. Бұл күн мемлекеттік мереке және жұмыс емес күн болып саналады.
Алты күндік жұмыс аптасында жұмыс істейтіндер 8 және 10 наурызда (жұма және жексенбі) демалады. Сенбі, 9 наурыз олар үшін әдеттегі жұмыс күні.
Жалпы алғанда, 2024 жылдың наурыз айында бес күндік апталық жұмыс істейтіндер үшін 14 демалыс және 17 жұмыс күні күтілуде.
