Қазгидромет Алматы мен тағы төрт қала тұрғындарына қолайсыз метеорологиялық жағдай туралы ескертті, — деп хабарлайды AdiletTV тілшісі.
«2024 жылғы 4 наурызда Жезқазған, Балқаш, Орал, Ақтөбе, Алматы қалаларында ауаның ластануының қолайсыз метеорологиялық жағдайлары күтіледі», — делінген хабарламада.
Қолайсыз ауа райы жағдайлары – атмосфералық ауаның жер қабатында зиянды (ластаушы) заттардың жиналуына ықпал ететін қысқа мерзімді метеорологиялық факторлардың (тыныш, аз жел, тұман, инверсия) жиынтығы.
Синоптиктер сондай-ақ 4 наурызда Қазақстан аумағындағы синоптикалық жағдай мен қауіпті ауа райы құбылыстарының болжамын ұсынды.
«Антициклон сілемі еліміздің батысында және оңтүстік-батысында құрғақ, желсіз ауа райы сақталады.Қазақстанның қалған бөлігінде атмосфералық фронтальды бөліктердің өтуімен қар жауады, оңтүстік және оңтүстік-шығыста жауын-шашын (жаңбыр, қар), боран күтіледі. , оңтүстік-шығыста жел күшейіп, көктайғақ болады, Қазақстан Республикасында тұман күтіледі», — делінген хабарламада.
