Ұлттық қауіпсіздік комитеті Ресейде күш құрылымдарымен атыс кезінде қаза тапқан қазақстандықтар туралы ақпаратқа түсініктеме берді, — деп хабарлайды Aspan.info.
«Бұқаралық ақпарат құралдарында Ресей Федерациясында теракт ұйымдастыру әрекеті кезінде ресейлік күш құрылымдарының екі қазақстандық азаматты жойғаны туралы ақпарат жарияланды, олардың Қазақстан азаматтығы және Ресейге кеткені расталды.
Бұл факті бойынша Ұлттық қауіпсіздік комитеті сотқа дейінгі тергеу жүргізіп жатыр. Тексеру әрекеттестіктің қолданыстағы арналары аясында ресейлік ФСБ-мен тығыз байланыста жүзеге асырылады.
Қылмыстық-процестік кодекстің 201-бабының 1-бөлігіне сәйкес өзге мәліметтер жария етуге жатпайды», — делінген ҚР Ұлттық қауіпсіздік комитетінің хабарламасында.
Еске салайық, бұған дейін Ресей ФСБ Мәскеудегі синагогаға жасалған шабуылдың алдын алу туралы хабарлаған болатын: хабарланғандай, операция кезінде Қазақстанның екі азаматы қаза тапты.
