120-дан астам заңсыз мигрант Қазақстаннан шығарылды, деп хабарлайды Aspan.info
«Мигрант» іс-шарасы барысында құқық қорғау органдарының қызметкерлері бес күн ішінде көші-қон заңнамасының 10 мыңнан астам құқық бұзушылығын анықтады. 4475 шетелдік азамат, 613 жұмыс беруші шетелдік жұмыс күшін заңсыз пайдаланғаны үшін жауапкершілікке тартылды. Полицияға келген шетелдіктер туралы хабарламағаны үшін — 2624 жеке және заңды тұлға.
Көші-қон заңнамасын бұзғандарды шығарып жіберу туралы 850 шешім шығарылды. 121 шетелдік елден шығарылды. Олар Қазақстанға келуге бес жылға тыйым салынған. Іздеуде жүрген 37 шетелдік ұсталды.
Заңсыз еңбек мигранттары көбінесе азаматтардың хабарламаларының арқасында анықталды. Мысалы, Алматыда жеке меншік хостел иесі көші-қон қызметіне хостелде тұратын күдікті адамдар туралы хабарлаған. Тексеру кезінде болу мерзімін бұзған 30 шетелдік анықталды.
Полиция көші-қон заңнамасын бұзушылықтың алдын алу және анықтау бойынша жұмысты жалғастыруда.
