Мемлекет басшысы Қасым-Жомарт Тоқаев Индонезияның сайланған президентіне құттықтау жеделхатын жолдады, AdiletTV тілшісі Tengrinews.kz сілтеме жасай отырып.
Президент Қасым-Жомарт Тоқаев Прабово Субианто Джойохадикусумоны Индонезия Республикасының Президенті сайлауындағы жеңісімен құттықтады.
«Мен сіздің дана басшылығыңызбен сіздің тамаша еліңіз өзінің экономикалық және әлеуметтік дамуында жаңа табыстарға қол жеткізетініне, сондай-ақ халықаралық аренадағы рөлін нығайтатынына сенімдімін. Қазақстан мен Индонезияны өзара сенім мен ортақ мүдделерге негізделген жылы қарым-қатынастар байланыстырады. Мен біздің елдеріміздің мүддесі үшін көпқырлы өзара іс-қимылды дамыту үшін ашылып отырған мүмкіндіктерді бірлесіп пайдалануға дайын екендігімді растаймын «, — делінген жеделхатта.
Мемлекет басшысы индонезиялық көшбасшыға барлық бастамаларында табыс, ал Индонезия халқына одан әрі ілгерілеу мен бақ-береке тіледі.
