29.3 C
Shymkent
Шілде 12, 2024
Жаңалықтар Қоғам Түркістан

ДАРХАН САТЫБАЛДЫ ТҮРКІСТАНДАҒЫ ЖАСАНДЫ КӨЛДІҢ МАҢЫНДА КӨШЕТ ОТЫРҒЫЗДЫ

Түркістан қаласында жасанды көл салынып жатыр. Бүгінде Түркі әлемінің туристік астанасында демалыс орындарының саны артып келеді. Соның бірі – «Жаңа қала» аумағындағы жасанды көлі бар дендросаябақтың құрылыс қарқыны жоғары. Дәлірек айтсақ, бүгінде облыс басшылығы тарапынан айтылған ескертпелер мен кемшіліктерді жою және көгалдандыру жұмыстары жүріп жатыр.

Жобалаушы мекеме – «МПК Проект» ЖШС. Жалпы жер ауданы 12,7 гектарды құрайтын жасанды көлдің мердігері – «Павлодарский речной порт» ЖШС. Жаңадан салынып жатқан су айдынының сыйымдылығы 0,06 млн.м3.

Облыс әкімі Дархан Сатыбалды жасанды көл маңында ағаш отырғызып, көгалдандыру шарасына қолдау білдірді. Мердігерге жұмыстарды сапалы әрі өз уақытында аяқтауды тапсырды.

Жасанды көлі бар саябақ Түркістандағы тартымды демалыс орындарының біріне айналмақ. 2021 жылы құрылыс басталған жасанды көлді биылғы мамыр айында аяқтап, қолданысқа енгізу жоспарлануда. Құрылыс алаңына 20-ға жуық адам мен 2 техника жұмылдырылған.

AdiletTV Түркістан облысы әкімінің баспасөз сілтемесімен хабарлайды

Бөлісу

ҚАТЫСТЫ ПОСТТАР

Синоптиктер Алматы, Шымкент және тағы 3 қала тұрғындарына ескерту жасады

admin

Қазақстан Әзірбайжан үшін Физули қаласында балалар шығармашылығы орталығын салды

admin

Қазақстан Қылмыстық кодекстен екі бапты алып тастауды ұсынып отыр