Сәуірдің жиырма үшінші жұлдызы – күллі ғаламның кітапсүйер халқы мен осы сала қызметкерлері үшін мереке. Айтулы күнге орай Әл-Фараби атындағы қалалық кітапханада маңызы мол жиын өтті. Басқосуда қоғам қайраткерлері сөз алып, рухани мұраның мүмкіндігіне тоқталды.
Жақсы кітап-жан азығы. Мерейлі күнге орай ұйымдастырылған шарада көрерменге әдебиет майталмандарының шығармаларынан үзінділер көрсетілді.
Қоғамда бүгінгі жастар кітапты қолына алмайды деген пікір қалыптасқан. Тарихқа көз салсақ, Кеңес Одағы кезінде халық кітапты іздеп жүріп оқыса, тоқырау жылдарында кітапханалар жабылып, дүкен сөрелерінен кітап жоғалды. Бірақ қазір кітапхана аралайтындар саны артыпты.
Кітап-сарқылмас рухани қазына деп бекерден-бекер айтылмаса керек. Рухани байлықты сақтап, оны ұрпақтан-ұрпаққа жеткізу, білім мен тәрбиенің көзі.
