Шығыс Қазақстан облысы Зайсан қаласында Ю.Гагарин атындағы мектепте алғашқы кадет сыныбының салтанатты ашылу рәсімі өтті.Шараға бесінші сынып оқушылары кадеттер қатарына қабылданып “Жас сақшы” деп аталатын жас полицейлер сыныбының оқушылары қатысты.
Мұндай сыныпты құрудың мақсаты — балалардың әскери-патриоттық тәрбиесі мен кәсіби бағдарын нығайту, сондай-ақ болашақ мамандықты таңдауға көмектесу болды. Кадеттер үшін полицейлердің үлгісі бойынша нысанды киім әзірленіп, тігілгенін атап өткен жөн. Сынып бөлмесі арнайы стендтермен және жабдықтармен жабдықталған.
