Шымкент қаласында орналасқан «Beta International» жауапкершілігі шектеулі серіктестігі – Қазақстан Республикасындағы шай өнімдері мен сусындар өндірісі саласында тұрақты даму үстіндегі ірі кәсіпорындардың бірі. Бұл өндірістік нысан еліміздің азық-түлік қауіпсіздігін қамтамасыз етуге, ішкі нарықты отандық өніммен қамтуға және экспорттық әлеуетті дамытуға елеулі үлес қосып отыр. Компания өз қызметін бастағалы бері тұтынушылардың сұранысына сай сапалы әрі бәсекеге қабілетті өнім түрлерін ұсынып келеді. Кәсіпорынның негізгі өнімдері қатарында кеңінен танылған «Вета чай», балалар мен жастар арасында сұранысқа ие «Чемпион» шайы, сондай-ақ 3 в 1 форматындағы жылдам дайындалатын кофе өнімдері бар. Аталған брендтер отандық нарықта өз тұтынушыларын тапқан, сенімді әрі танымал сауда белгілеріне айналды. Зауыттың өндірістік қуаттылығы – ай сайын 300 тоннадан астам дайын өнім шығаруға мүмкіндік береді. Бұл көрсеткіш – кәсіпорынның технологиялық жарақтандырылу деңгейі мен өндірістік процестердің жоғары тиімділігінің нәтижесі. Қазіргі таңда «Beta International» ЖШС-де 150-ге жуық қызметкер тұрақты жұмыс орындарымен қамтылған. Компания өз мамандарының кәсіби біліктілігін арттыру, қауіпсіз еңбек жағдайын қамтамасыз ету және әлеуметтік тұрақтылықты сақтау бағытында жүйелі жұмыстар жүргізіп келеді. Кәсіпорынның стратегиялық жоспарына сәйкес, алдағы жылдары өндірілетін өнім түрлерін кеңейту, жаңа технологияларды енгізу және өндірістік көлемді ұлғайту көзделіп отыр. Бұл қадамдар ішкі нарықтағы отандық өнімге деген сұранысты толық қамтуға, сондай-ақ сыртқы нарықтарға шығу арқылы экспорт көлемін арттыруға мүмкіндік береді. Айта кету керек, «Beta International» ЖШС Шымкент қаласының агроөнеркәсіптік кешеніндегі маңызды субъектілердің бірі ретінде өңірдің экономикалық даму қарқынын жеделдетуге ықпал етіп отыр. Кәсіпорынның жұмысы – Қазақстан Республикасының индустриялық-инновациялық даму бағдарламасы аясында отандық өндірісті қолдау және жаңғырту бағытындағы нақты қадамдардың көрінісі.
Бүгінгі таңда «Beta International» – еліміздегі шай және сусын өнімдерін өндіру бойынша жетекші кәсіпорындардың бірі ретінде танылып отыр. Компания отандық брендтерді ілгерілету, халықты сапалы өніммен қамту және өңірлік экономиканың өркендеуіне үлес қосу бағытында белсенді жұмыс жүргізуде.
Шымкент: «Beta International» ЖШС – шай және сусын өнімдерін өндіру саласындағы жетекші кәсіпорын
