Президент Қасым-Жомарт Тоқаевтың 2025 жылғы 8 қыркүйектегі Жолдауында атап өтілгендей, жергілікті атқарушы органдардың туризм инфрақұрылымын дамытудағы жауапкершілігі артып келеді. Бұл бағыттағы нақты қадамдардың бірі — Шымкент қаласынан шетелдік жеті қалаға тікелей халықаралық әуе рейстерінің ашылуы. Атап айтқанда, Германияның Мюнхен, Мажарстанның Будапешт, Кореяның Сеул, Қытайдың Бейжің және Шанхай, сондай-ақ Египеттің Каир қалаларына тікелей ұшуға мүмкіндік жасалды.
ЭКОНОМИКАЛЫҚ ӘСЕРІ
Жаңа халықаралық бағыттардың іске қосылуы бірнеше негізгі салаға оң ықпал етеді:
1. ТУРИЗМ САЛАСЫНЫҢ ДАМУЫ
2024 жылғы деректерге сәйкес, шетелдік турист бір сапарда орта есеппен 800–1200 АҚШ доллары көлемінде қаражат жұмсайды.
Егер жаңа рейстердің арқасында Шымкентке жыл сайын қосымша 50 000 шетелдік турист келетін болса, бұл экономикалық айналымға шамамен:
50 000 × 1000 $ = 50 000 000 АҚШ доллары
яғни 23 миллиард теңгеге жуық (орташа курс бойынша) қаражат түседі.
Бұл қаражат:
қонақ үй бизнесіне,
қоғамдық тамақтану орындарына,
көлік қызметтеріне,
мәдени және ойын-сауық индустриясына,
жергілікті қолөнершілер мен кәдесый өнімдерін өндірушілерге бағытталады.
2. ӘУЕ КӨЛІГІ ИНФРАҚҰРЫЛЫМЫНА ТҮСЕТІН ТАБЫС
SCAT әуе компаниясының халықаралық бағыттарда 15 әуе кемесі тұрақты қызмет көрсетеді.
Бір халықаралық рейстен түсетін орташа табыс (жолаушылар мен жүк тасымалын қоса алғанда) 20–30 мың доллар көлемінде бағаланады.
Егер аптасына 14 рейс (әр бағытқа аптасына 2 рейс) ұшатын болса, бұл айына:
14 рейс × 4 апта × 25 000 $ = 1 400 000 АҚШ доллары
немесе жылына 16–17 миллион АҚШ доллары табыс әкелуі мүмкін. Бұл сома тек тікелей авиакомпанияның табысы ғана емес, сонымен бірге Шымкент халықаралық әуежайының қызмет көрсету ақыларын, отын сатылымын, салық төлемдерін қамтиды.
3. ЖҰМЫС ОРЫНДАРЫ ЖӘНЕ САЛАЛЫҚ МУЛЬТИПЛИКАТОР
Жаңа бағыттардың ашылуы өңірлік еңбек нарығына да оң әсер етеді:
Әуежайдағы техникалық және қызмет көрсету персоналына деген сұраныс артады.
Туристік гидтер, аудармашылар, көлік жүргізушілері, аспаздар мен даяшылар сынды қызмет көрсету салаларында 500-ден астам жаңа жұмыс орны ашылуы ықтимал.
Қосымша туристік сұраныс жергілікті кәсіпкерлерге өз кәсібін кеңейтуге жол ашады, бұл өз кезегінде жанама түрде мыңдаған адамды жұмыспен қамтуға әсер етеді.
4. ӨҢІРЛІК ИНВЕСТИЦИЯЛАРҒА ЫНТАЛАНДЫРУ
Туристік ағынның ұлғаюы шетелдік инвесторлардың назарын аударуы мүмкін. Бұл қонақ үй құрылысына, ойын-сауық орталықтарына және логистикалық қызметтерге инвестиция салуға ынталандырады.
Мысалы, халықаралық қонақүй желілерінің бірі 200 нөмірлі қонақүй салуға орта есеппен 20–30 миллион доллар инвестиция жұмсайды. Мұндай жобалар салық түсімдерін ұлғайтып, қаланың халықаралық деңгейдегі беделін арттырады.
Шымкент қаласынан тікелей халықаралық әуе рейстерінің ашылуы – тек көлік қатынасының жаңа мүмкіндігі ғана емес, ол:
туризмнің қарқынды дамуына жол ашады,
экономикалық белсенділікті арттырады,
инфрақұрылымдық жобаларға жол ашады,
және ең бастысы — Шымкенттің халықаралық аренадағы тартымдылығын арттырады.
Бұл – ел Президенті қойған стратегиялық міндеттердің өңірлік деңгейде нақты іске асырылып жатқандығының көрінісі.
ШЫМКЕНТ: ХАЛЫҚАРАЛЫҚ ӘУЕ РЕЙСТЕРІНІҢ ІСКЕ ҚОСЫЛУЫ — ӨҢІРЛІК ДАМУҒА СЕРПІН
