Үкімет экономиканы тұрақтандыру және реформалардың әсерін жұмсарту мақсатында бірқатар шара қабылдады.
🔶 Жанармай бағасына мораторий
16 қазаннан бастап инфляция деңгейі тұрақтағанға дейін АИ-92 маркалы бензин мен дизель отынының бағасын көтеруге мораторий енгізіледі.
🔶 Коммуналдық тарифтер мен азық-түлік бағасы
16 қазаннан бастап 2026 жылдың І тоқсанының соңына дейін коммуналдық тарифтер өспейді. Бағаны ұстап тұру шаралары шығындарды оңтайландыру есебінен жүргізіледі.
🔶 Бизнеске қолдау және салық саясаты
Шағын және орта бизнеске арналған жеңілдетілген салық режиміне қатысты артық шектеулер алып тасталды. 2026 жылдың 1 қаңтарынан бастап микро және шағын бизнес үшін салықтық тексерулер, камералдық бақылау және мәмілелер бойынша сот істері тоқтатылады.
