ТҮРКІСТАН ОБЛЫСЫ ӘКІМІНІҢ ОРЫНБАСАРЫ ТАҒАЙЫНДАЛДЫ

Түркістан облысының әкімі Өмірзақ Шөкеевтің өкімімен облыс әкімінің орынбасары лауазымына Арман Сәбитұлы Сәбитов тағайындалды.

Арман Сәбитов 1984 жылы Шымкент қаласында туылған, білімі жоғары. Әл-Фараби атындағы Қазақ Ұлттық университетін, Т.Рысқұлов атындағы Қазақ экономикалық университетінің аспирантурасын бітірген. Мамандығы бойынша экономист, экономика ғылымдарының кандидаты, мемлекеттік аудитор. Еңбек жолын «Азаматаудит» ЖШС аудиторлық мекемесінде аудитордың ассистенті болып бастаған. 2004-2011 жылдары аудитордың аға ассистенті, менеджер-жоба басқарушысы, Алматы қаласындағы өкілдік басқарушысы лауазымдарын атқарған, — деп хабарлайды Түркістан облысы әкімінің баспасөз қызметі.

2011-2016 жылдары Алматы қаласы бойынша Тексеру комиссиясының мүшесі болған. 2016 жылдың желтоқсан айынан бастап ОҚО әкімі аппараты басшысының орынбасары қызметін атқарған. 2017-2019 жылдары Оңтүстік Қазақстан облысы, одан әрі Түркістан облысының экономика және бюджеттік жоспарлау басқармасын басқарған. 2019 жылдан бері Президент әкімшілігінің Мемлекеттік бақылау және аумақтық-ұйымдастыру жұмысы бөлімінің Мемлекеттік Инспекторы, Президент әкімшілігінің Мемлекеттік Инспекторы қызметтерін атқарып келген.

Облыс активімен өткен жиында Өмірзақ Естайұлы жаңа орынбасарының жауапты басшылық лауазымдарда үлкен жұмыс тәжірибесі бар екенін атап өтіп, қызметіне сәттілік тіледі.

Облыс әкімі Өмірзақ Шөкеев бұған дейін бұл қызметті атқарып келген Жолдымұрат Ермұханұлы Аманбаевқа құрмет көрсетіп, зейнет демалысына шығарып салды. 40 жылдан астам уақыт әр салада абыройлы қызмет атқарғанын айтып, асқаралы 63 жасымен құттықтады.

«Терең білім, берік ұстаным, іскерлік қабілет және азаматтық қасиетіңіз сізді қатардағы ферма жұмысшысынан Қазақ еліне танымал саяси қайраткер, қаржы саласының майталманы, облыс әкімінің орынбасары лауазымына дейін көтерді. Еліміздің жаңа астанасы – Нұр-Сұлтан қаласының жаңа кейіпке еніп, қалыптасуы жолында өзіңіздей іскер азаматпен әріптес болғаныма қуаныштымын. Дамудың жаңа биігіне қол жеткізген Түркістанның түрленуі жолында аянбай еңбек еттіңіз. Отанымыздың өркендеуі мен Түркістанның баянды болашағы жолында әлі де талай ел сүйсінер елеулі істер атқаратыныңызға кәміл сенемін»,-деді облыс басшысы.

Желіде бөлісіңіз
Жарияланған

"Әділет.тв" ақпараттық агенттігі

Пікір қалдыру

Э-пошта мекенжайыңыз жарияланбайды. Міндетті өрістер * таңбаланған

Келесі жазба

[:kz]Шымкентте арнайы техникалардың қысқа дайындық жұмыстары пысықталды[:]

Wed Oct 21 , 2020
Шымкентте қысқа дайындық жұмыстары пысықталып жатыр. Қала әкімі Мұрат Әйтенов арнайы техникалардың қысқа дайындық жұмыстарын пысықтау мақсатында «ЛТД Тұрмыс» ЖШС  мекемесінің техникалық базасын аралады. Биыл қала тазалығы үшін 20 жаңа техника, 4 газель сатып алынған. Жалпы қазіргі таңда мекеме балансында 258 дана техника бар. Оның ішінде 208-і арнайы техника болып […]