Шымкентте шығарылған өкпені жасанды желдету құрылғылары ауруханаларға толық орнатылды

Бұл туралы ақпараттық-коммуникациялық орталығында өткен баспасөз брифингінде Шымкент қалалық Денсаулық сақтау басқармасы басшысының міндетін атқарушысы Бақытжан Позилов мәлімдеді.

– Жалпы, қаладағы медициналық ұйымдарда 612 өкпені жасанды желдету құрылғысы (ИВЛ) жұмыс істейді. Атап айтқанда, қалада жыл басында 310 аппарат болса, бүгінге дейін ҚР Денсаулық сақтау министрлігінен 156, демеушілік арқылы 20 аппарат жеткізілді. Ал 126-сы жергілікті бюджеттен сатып алынуда. Сонымен қатар, екінші қарашадан бастап «Қазмедприбор» ЖШС-і 88 өкпені жасанды желдету құрылғысын шығарды. Бүгінде ол аппараттар түгелдей қала ауруханаларына орнатылды, – деді Бақытжан Жолдасбекұлы.

Спикердің сөзінше, Шымкент қаласында маусымдық тұмауға қарсы 128 963 доза вакцина сатып алынған. Нәтижесінде, 128 963 адам толықтай екпе қабылдап, вакцинациялау 100 пайыз орындалған.

Айта кетейік, осы жылдың 24 наурызынан 12 қарашасына дейін COVID-19 ауруының 5 278 жағдайы (2682 симптоматикалық, 2596 симптомсыз) тіркелген. Оның ішінде 5 152 науқас емделіп шыққан.

 

Желіде бөлісіңіз
Жарияланған

"Әділет.тв" ақпараттық агенттігі

Пікір қалдыру

Э-пошта мекенжайыңыз жарияланбайды. Міндетті өрістер * таңбаланған

Келесі жазба

[:kz]Шымкентте кәмелетке толмағандар арасындағы қылмыс 23,9 пайызға азайған[:]

Fri Nov 13 , 2020
Бұл туралы ақпараттық-коммуникациялық орталығында өткен баспасөз брифингінде Шымкент қалалық Прокуратурасының басқарма аға прокуроры Дәурен Бекембаев мәлімдеді. – Шымкент қаласында осы жылы кәмелетке толмағандар арасында 10 тексеру мен 15 талдау жүргізіліп, 73 заңбұзушылық анықталды. Аталған құқықбұзушылықтардың алдын алу бағытында қала прокуратурасының мобильдік тобы 92 лекция, 6 рейд жүргізді. Қолданылған шаралар нәтижесінде […]