Жаңаөзенде инкассаторларға шабуыл жасағандардың бәрі ұсталды

Полицейлер Жаңаөзенде инкассаторларға шабуыл жасағандардың барлығын ұстады, деп хабарлайды Polisia.kz.

3 желтоқсан күні сағат 18:33-те Жаңаөзен қаласы Полиция басқармасы Жедел басқару орталығына 4 шағын ауданда банк бөлімшесі қасында инкассатор машинасына шабуыл жасалғаны туралы хабарлама келіп түсті.

«Бұдан ары анықталғандай, инкассатор жүргізушісінен қылмыскерлер пышақпен қорқытып, 76 миллион теңге алып, қылмыс орнынан жеңіл автокөлікпен қашып кеткен. Инкассатор автомобилінің жүргізушісі олардың соңынан бірнеше рет оқ атқан», – делінген хабарламада.

Сол бойда құқық қорғау органдары күштерінің арнайы іс-қимыл жоспары енгізілді. Қаланың, сондай-ақ жақын өңірлердің патрульдері мен полиция бекеттеріне тиісті хабарламалар жөнелтілді. Алдын ала дайындықпен жасалған бұл қылмысты ашу үшін Маңғыстау облысының Полиция департаменті мен қызметкерлерінен арнайы жедел-тергеу тобы құрылды.

Полиция қызметкерлері оқиға орнынан бейнебақылау камераларын мұқият зерттеді. Қылмыскерлер бой жасыруы мүмкін маршруттар жасалды. Жаңаөзен қаласына барлық кіру және шығу жолдары жабылды.

Деректер базасы бойынша зиянкестер автокөлігінің сипаттамасына сәйкес келетін барлық автокөліктер анықталып, тексерілді. Оқиғаны көзімен көргендер мен куәгерлерден жауап алынды. Осымен бір мезгілде жедел жұмыстар да жүргізілді.

Түн ортасында іздестіріліп жатқан көлікке ұқсайтын автокөлік ұсталды, оның жүргізушісі полиция қызметкерлеріне күдік тудырды.

Видеоны сол жерден зерттеген олар оқтың тиген жерін анықтап қарағанда, оны бір нәрсемен бітеп жасырғанын байқады. Сондай-ақ инкассаторлық компаниянының жұмыс орнын да анықтап, полиция жүргізушіні қылмыс жасады деген күдікпен ұстады. Алайда ол қандай да бір қарақшылық шабуылға қатысқанын теріске шығарып бақты.

«Ұсталған адамның таныстары мен байланыстарын анықтау бойынша тиісті жұмыстар жүргізгеннен кейін қылмыстық іздестіру қызметкерлері шабуыл жасаған тағы бір күдіктіні анықтап, ұстады. Тінту кезінде одан үйдің қазандығына көміп тастаған ұрланған ақшаның бір бөлігі табылды», – делінген ПД хабарламасында.

11 желтоқсан күні полиция қылмыстың үшінші қатысушысын ұстады.

«Тергеу анықтағандай, қылмыскерлер бір ай бойы инкассаторларға шабуыл жасауға мұқият дайындалған. Олар инкассатор машинасының бағыты мен қозғалыс уақытын есептеп, өзара тиісті міндеттерді бөлісіп, қару таңдаған. Ұрланған ақшаны қаскүнемдер өзара бөлісіп алған болып шықты», – делінген хабарламада.

Инкассаторларға шабуыл жасау фактісі бойынша ҚР ҚК 192-бабы 4-бөлігі бойынша тергеу жүргізілуде. Күдіктілер уақытша ұстау изоляторына қамалды.

 

Желіде бөлісіңіз
Жарияланған

"Әділет.тв" ақпараттық агенттігі

Пікір қалдыру

Э-пошта мекенжайыңыз жарияланбайды. Міндетті өрістер * таңбаланған

Келесі жазба

[:kz]ҚАЛЫҚ АБДУЛЛАЕВ ӨМІРДЕН ОЗДЫ[:]

Mon Dec 14 , 2020
Елінің елеулі, халқының қалаулы азаматы бола білген қоғам қайраткері, белгілі меценат, «Парасат», «Құрмет» Ордендерінің иегері, Түркістан облысының «Құрметті азаматы»  Қалық Абдуллаев 78 жасында өмірден озды. Қалық Абдуллаұлы Абдуллаев 1942 жылы 28 маусымда Оңтүстік Қазақстан облысы Леңгір ауданындағы (қазіргі Төле би ауданы) Қасқасу ауылында дүниеге келген. 1958-1963 жылдары Ташкент политехникалық институтын […]