СӨЗІ МЕН ІСІ ТҮЙІСКЕН ДЕПУТАТ

Бүгiнде қоғамдық қабылдау көп. Мекеме басшылары, депутаттар бiр күн қарапайым халық тiлегiн тыңдау үшiн қабылдау өткiзудi жұмыс тәртiбiне енгiзiп жүр. «Қоғамдық қабылдау өтедi» деген хабарландыруды оқып көпшiлiктiң арасында осы қабылдаулар не мәселе шешедi, пайдасы бар ма» деген сұрауы көп пiкiрлері де жоқ емес. Дегенмен, қоғамдық қабылдауға келетiндер көп. Қоғамдық қабылдаудың тұрғындар үшiн қаншалықты қажеттiлiгiн Шымкент қалалық мәслихатының депутаты, Заңдылық, құқық тәртібі және жергілікті өзін-өзі басқару мәселелері жөніндегі тұрақты комиссияның төрағасы Данабек Исабековпен өткен қоғамдық қабылдау барысында шын сезiне түстiк. Бiр мекеме iшiнде емес, көпшiлiк үшiн жариялылық болып саналатын БАҚ өкілдерімен бірге қоғамдық қабылдаудың өтетiндiгi көп көкейiне қона кетсе керек, бұл хабарды естiген ел сол күндерi өз өтініш, тілектерін, арыз-шағымдарын арқалап келіп жатты.

Сонымен, Шымкент қалалық «Nur Otan» партиясы филиалының бас ғимаратында өткен Мәслихат депутаты Данабек Ержанұлының қоғамдық қабылдауына кезекке тұрғандар аз болған жоқ. Жасыратыны жоқ, ерте келіп, тапжылмай күтiп отырған тұрғындар да болды. Мұның өзi ел үшiн қоғамдық қабылдаулардың қажет екенi дәлелдеусiз-ақ байқалып тұр. Сонымен, көпшiлiк асыға күткен қоғамдық қабылдау уақытында басталды. Бiз де өз миссиямыз бойынша, депутат өткiзген қоғамдық қабылдаудың жариялы болуына мүмкiндiк жасап, депутат пен халық арасындағы қабылдауға келген тұрғындардың мұқтаж-тiлектерi айтылған қабылдау жиынын газет бетіне жариялағанды жөн көрдік.

«Nur Otan» халықтық-демо­кратиялық партиясының басшы­лығы аймақтық және жергілікті жерлердегі халықтың тыныс-тіршілігінен хабардар және елмен етене жақын болу мақсатында бірқатар қоғамдық қабылдау бөлімдерін ашқан болатын. Мұндай жұмыс түрі сондай-ақ, билікте­гі­лердің жергілікті жерлердегі адам­дардың өтініш-шағымдарын тың­дап, қордаланған проблема­ларын шешуге қолайлы болды. Көптеген азаматтар әділдік із­деп талай мемлекеттік органдардың есіктерін тоздырып, талай басшы­ның алдына барады. Арыз-шағым­дардың артында қилы тағдыр тұратыны белгілі. Жыл өткен сайын қоғамдық қа­былдау бөлімдеріне өтініш айтып, көмек сұрап келетіндер саны арту­да.

Осы орайда,  Исабеков Данабек  “Nur Otan” партиясының Шымкент қалалық филиалында жаңа сайланған депутат ретінде алғашқы қоғамдық қабылдауын өткізді.

Жеке мәселелері мен елді мекендердің мәселелерін айтып келген азаматтар қарасы көп болды. Қабылдауға алдын-ала жазылғаны және жазылмағандарын түгел қабылдап, мәселелерін тыңдады.

Қабылдауға келген қала тұрғындары әлеуметтік-тұрмыстық жағдайларын, тұрғын үй мәселелерін қозғады. Сонымен қатар, тұрғындар өздерінің өзекті мәселелерін алға тартты.

Солардың бірі – Абай ауданы, Гагарина көшесінің тұрғыны Абдихаирова Гүлнұр деген азаматша көп балалы отбасы ретінде әлеуметтік көмек пен азық-түлік бойынша жәрдем сұрап келген.

Айтылған өтінішке назар аударған халық қалаулысы Данабек Исабеков көп балалы ананың мекен-жайына арнайы ат басын бұрып, азық-түлікпен көмек көрсетті.

   

«Өзім көп балалы анамын. Тұрмыстың тауқыметі жаныма батқасын «Нұр Отан» партиясы қалалық филиалына көмек сұрап келдім. Менің жағдайымды ескеріп, дер кезінде көмек көрсетіп отырған Данабек Ержанұлындай ел ағаларына алғысым шексіз. Істері алға бассын. Осындай халқының мұң-мұқтажын ескеріп, тыңдайтын азаматтар көбейе берсін», -дейді Гүлнұр Абдихаирова.

Сондай-ақ, Игілік тұрғын алабы, Жаңа талап округінің тұрғыны, Эшмуратов Кубей есімді азаматтың елді мекеннің көшесіне шағал тас төсеу мәселесі бойынша тікелей эфирде онлайн арқылы Абай ауданы әкіміне байланысқа шығып, мәселенің оңды шешілуіне ықпал жасалынды.

Қоғамдық қабылдауға келген Махкамов Тәліп есімді ақсақал №55 автобустың маршрутын іске қосуды өтініш жасап келген. Көлік мәселесі мен автобус кестелері маршруттарын жүйелі жүзеге асырудың негізгі бағыттары жайында жол және көлік басқармасымен тікелей онлайн байланысқа шығып, аталған мәселенің жүйелі түрде шешімін табатыны туралы ақпаратты жеткізді.

Қоғамдық қабылдауға тұрмысы төмен, тұрақты жұмысы жоқ, зейнеткерлікке уақыты жақын Жаңабай Бибідүрия атты азаматша да келді, айтуынша өзі де, ұлы да жұмыссыз. Қолдау мен көмек сұрап келген. Жұмысқа тұрғызып, демеу көрсетуге және ұлын да жұмысқа орналастыру бойынша оң шешім қабылданды.

Жалпы қоғамдық қабылдауға қарапайым азаматтармен бірге БАҚ өкілдері де қатысты, 13 азаматтың өтініші қаралды. Оның ішінде 4-уі онлайн форматта, 5 қала тұрғынының мәселесі оң шешімін тапты. Қалған мәселелердің орындалуын қатаң бақылауда және жеке назарында ұстайтынын жеткізген Шымкент қалалық мәслихат депутаты  Данабек Ержанұлы «барлық ұсыныс-пікірлер мен өтініштер жауапсыз қалмайды және олардың нәтижесі бойынша ақпаратпен алдағы уақытта хабардар етіп отырамыз», – деп ағынан жарылды.

Осындай қоғамдық қабылдаулар арқылы қараша халықтың өзекті мәселелері билікке жетіп, оның оң шешілуінің жағдайлары қарастырылатыны анық.

Аталған қабылдауда көтерілген мәселелер назарға алынып, сұрақ иелеріне нақты жауаптар берілді.

«Қо­ғамдық қабылдауға ха­лық үлкен үмітпен келеді. Біздің мақсатымыз ел сенімін ақтап, қол­дан келген барлық көмекті көрсету болса, біз осы жолда барынша жан аямай еңбек ететін боламыз»,-деді Данабек Исабеков.

Сондай-ақ, бұрынғыдай емес, тұрғындар жеке мәселелерiмен емес, қоғамға ортақ көкейтестi мәселелерiн де көбiрек қозғайтындығы бұл халықтың деңгейiнiң өскенiн, тiптi билiкке де талап қоя алатындығын байқатты. Тұрғындардың қоғамнан әдiлдiктi, теңдiктi, ашықтықты iздейтiндiгi байқалды.

Сөз соңында айтарымыз, қоғамдық қабылдаудан тұрғындар әділдікті, теңдікті, жариялықты талап етеді және сенім артады. Сондықтан ел сенімі әрдайым биікте болады, мәселелері оң шешім табады деген ниеттеміз. Данабектей халқын сүйер азаматтың алдағы істеріне зор үміт артып, игі бастамалар күтеміз.

 

Аягөз ДҮЙСЕНБАЕВА

Желіде бөлісіңіз
ЖарияланғанІлмек сөздер

Аягөз Сәкенқызы

Пікір қалдыру

Э-пошта мекенжайыңыз жарияланбайды. Міндетті өрістер * таңбаланған

Келесі жазба

[:kz]Наурыз мейрамына орай бұқаралық іс-шаралар өткізуге болмайды – вице-министр[:]

Thu Feb 11 , 2021
Мереке кезінде ел тұрғындары санитарлық ережелерді ұстанып, бетперде тағып, арақашықтықты сақтап, көп адам жиналатын жерге бармағаны жөн. Ведомство өкілдері жаңажылдық мерекелерден кейін ауру күшейіп кеткенін еске салып өтті. Қазір ауру жұқтыру жағдайлары біршама толастап, бәсеңдеді. «Бүкіл дүниежүзінде эпидемиологиялық жағдай қиын болып тұр. Бас санитарлық дәрігердің қаулысына сәйкес, барлық бұқаралық іс-шараларға […]