Бюджетті игере алмаған министрліктер аталды

Қаржы министрі Ерұлан Жамаубаев 2021 жылғы қаңтардағы республикалық және мемлекеттік бюджеттердің шығыстары жөніндегі жоспардың орындалуы жайында айтты.

Министрдің айтуынша, мемлекеттік бюджеттің шығыстары 91%-ға, республикалық бюджеттің шығыстары 94,4%-ға, жергілікті бюджеттердің шығыстары 80,6%-ға орындалды.

Республикалық бюджет бойынша 1 трлн 212 млрд теңге сомасына шығыстар жүргізілді. Орындалмау 72 млрд теңгені құрады, оның 7 млрд теңгесі үнемделді. Игерілмегені – 65 млрд теңге.

Ірі көлемдегі бюджетті игермеген ведомстволар қатарына – Қаржы, Цифрлық даму, Төтенше жағдайлар, Білім және ғылым және Мәдениет министрліктері кіреді.

Игерілмеудің негізгі себебіне: төлем жөніндегі құжаттарға ұзақ уақыт жұмсау, орындалған жұмыстар актісін уақытылы ұсынбау, нақты көрсетілген қызметтер көлемі, орындалған жұмыстар үшін ақы төлеу, шарттар мен қосымша келісімдерді қазынашылық органдарына тіркеуге кеш ұсыну бар.

«Жергілікті бюджеттердің шығыстары 203 млрд теңгені құрады. Орындалмаған – 49 млрд теңге. Ағымдағы жылы өңірлерге 1,9 трлн теңге сомасында нысаналы трансферттер қарастырылды. 1 ақпанда оларға 32 млрд теңге бөлінді, оның 79,3%-ы игерілді. 6 млрд теңге орындалмаған, оның ішінде 2 млрд теңге үнемделген, 4 млрд теңге игерілмеген», – деп түсіндірді Жамаубаев.

Бюджет қаражатын ең көп мөлшерде игере алмаған өңірлер: Батыс Қазақстан, Жамбыл, Ақмола және Атырау облыстары мен Нұр-Сұлтан қаласы.

Желіде бөлісіңіз
Жарияланған

"Әділет.тв" ақпараттық агенттігі

Пікір қалдыру

Э-пошта мекенжайыңыз жарияланбайды. Міндетті өрістер * таңбаланған

Келесі жазба

[:ru]За госномерами шымкентцам больше не нужно ездить в СпецЦОН[:kz]Шымкенттіктерге көлік нөмірі мен техқұжатын алу үшін енді автоХҚО-ға барудың қажеті жоқ[:]

Tue Feb 16 , 2021
Енді автокөлік иелері қайта тіркеген көліктің тіркеу нөмірі мен техникалық паспортын алу үшін мамандандырылған ХҚО-ға жүгінуге міндетті емес. “Азаматтарға арналған үкіметтің” курьерлері көліктің құжаттарын өтініште көрсетілген мекенжайға жеткізіп береді. «МТНБ және КҚТК-ны үйге жеткізу» қызметін  электрондық үкімет порталында  онлайн ресімдеуге болады. Мәселен, биыл қаңтар айында шымкенттіктерге  30 жуық  мемлекеттік нөмірлер […]