Top.Mail.Ru
Шымкентте Республикалық жас ақындар айтысы өтті

Шымкентте Республикалық жас ақындар айтысы өтті

Бүгін Шымкент қаласында Жастар жылы мен Қазақстан Республикасының Конституциясы күніне орай «JASTYQTYN’ JALAY’Y – SHYMQALA» атты республикалық жас ақындар айтысы өтті.

Дүбірлі додаға Шымкент қаласы, Түркістан, Алматы, Жамбыл, Қызылорда облыстарымен бірге көршілес Өзбекстан Республикасынан жалпы саны 12 жас ақын қатысып, сынға түсті.

Ақындардың сайысына қатысқан қала әкімі Ерлан Айтаханов барлық ұлттық өнер жанашырларына өз лебізін білдіріп, сәттілік тіледі.

Дүбірлі айтыста ақындарамыз еліміздің тарихын, даму белестері мен жетістіктерін өнермен өрнектеп, бір-біріне өткір сұрақтар қойып, ұтымды жауаптар қайтарып, айтыс сүйер қауымның көңілінен шығып, көрермендерді желпіндіріп отырды.
Жастар жылындағы елеулі істер мен Шымкент қаласының дамуын жырлаған ақындарға белгілі айтыскер ақындар – Бекарыс Шойбеков, Маржан Есжанова, Карима Оралова, Анар Жаппарқұлова, Нұрлыбек Мейірманов қазылық етсе, ақын Бекмұрат Анарбаев тәуелсіз сарапшы ретінде өз бағасын берді.

Айтыс қорытындысы бойынша бас жүлдеге ие болған ақынға – 1 000 000 теңге, І орын – 700 000теңге, ІІ орын – 300 000 теңге, ІІІ орын – 200 000 теңге жүлде қоры табысталды. Аламан бәйге нәтижесі бойынша, бас жүлдені шымкенттік Қажымұхан Абзалов алса, I орынды Түркістан облысынан Нұрмахан Жақыпбек жеңіп алды. Ал, жүлделі II орын елордалық Аян Ниязбекке бұйырса, III орынды Алматы облысынан Сырым Әуесхан иемденді. Сонымен қатар, барлық қатысушы жас ақындар 100 000 теңге көлеміндегі қаржылай сыйлық пен қала әкімінің арнайы дипломымен марапатталды.

 

Шымкент қаласы әкімінің баспасөз қызметі

Желіде бөлісіңіз
ЖарияланғанІлмек сөздер

"Әділет.тв" ақпараттық агенттігі

Пікір қалдыру

Э-пошта мекенжайыңыз жарияланбайды. Міндетті өрістер * таңбаланған

Келесі жазба

[:ru]Поздравление Президента Республики Казахстан Касым-Жомарта Токаева с Днем Конституции [:kz]Қазақстан Республикасының Президенті Қасым-Жомарт Тоқаевтың Конституция күнімен құттықтауы [:]

Fri Aug 30 , 2019
Құрметті отандастар! Баршаңызды Қазақстан Республикасының Конституциясы күнімен құттықтаймын! Халқымыздың заң үстемдігіне, адамдардың негізгі құқықтары мен бостандықтарын қамтамасыз етуге ұмтылысы төл тарихымызда айқын көрініс тапқан. Озық әлемдік тәжірибені, тарихи және ұлттық дәстүрлерді арқау еткен Қазақстан Конституциясы халқымыздың бірлігі мен мемлекет тәуелсіздігінің берік негізі саналады. Келесі жылы Ата заңымыздың 25 жылдығын атап […]
Top.Mail.Ru