Шымкентте такси жүргізушілерін өлтіріп, мәйітін өртеп жіберген қаскөйлерге сот үкімі шықты

Шымкентте екі такси жүргізушісін аяусыз өлтіріп, мәйіттерін қоқыс алаңында өртеп жіберген қаскөйлерге үкім шықты, деп хабарлайды adilettv Otyrar.kz-ке сілтеме жасап.

Судья төрт адамнан құралған қылмыстық топтың екі мүшесіне өмір бойына бас бостандығынан айыру жазасын берсе, ал қалғандары 10 және 11 жыл ғұмырын абақтыда өткеретін болды.

Алғашқы екеуі жүргізушілерді асқан қатыгездікпен өлтірсе, кейінгі екеуі қылмыс ізін жасыруға көмектескен. Судьяның сөзінше, қылмыс жасаған кезде күдіктілер мас күйде болған және есірткі пайдаланған.

Төртеуі де бұрын бұзақылық үшін сотталғандар. Оның екеуі мерзімінен бұрын босап шыққандар екен. Бұл қылмыстық топтың оншақты қылмысқа қатысы бар екені анықталған.

«Нұрадинов, Кенжебек, Кумисовтың бұрын ауыр қылмыстар жасағаны үшін сотты болғанын, қылмысты алкогольден және есірткіден масаң күйде жасағандықтарын ескеріп, бұл жағдайларды қылмысты ауырлататын мән-жай деп танып, сот Нұрадинов пен Кенжебекке өмір бойына бас бостандығынан айыру жазасын тағайындап, жазаны қылмыстық атқару жүйесінің төтенше қауіпсіз мекемесінде өтеуді белгіледі. Кумисов пен Ахметовтың Нұрадинов пен Кенжебектің екі адамды өлтіргенін анық біле тұра тиісті органға хабарламай, басқа да ауыр қылмыстарға қатысқаны үшін оларға бас бостандығынан айыру түріндегі жазалар тағайындалды. Кумисовке 11 жыл, Ахметовке 10 жыл», – деді судья Самидин Темірәлиев.

Айта кетейік, сот залында үкім оқылғандар бұл қылмыстарды былтыр қазан айында жасаған. Бір жүргізушіні буындырып өлтірген, ал екіншісін 5 жерінен пышақтаған. Кейін екі мәйітті де қоқыс полигоны маңына апарып, өртеп жіберген.

Кейіннен көліктерімен діттеген жерлеріне жетіп, оған да өрт қойған. Олардың жасаған қылмыстары дәлелденіп, екеуі жасаған істерін толық, ал қалғаны жартылай мойындаған.

Айта кетейік, сот үкімі әлі заңды күшіне енген жоқ.

Желіде бөлісіңіз
Жарияланған

"Әділет.тв" ақпараттық агенттігі

Пікір қалдыру

Э-пошта мекенжайыңыз жарияланбайды. Міндетті өрістер * таңбаланған

Келесі жазба

[:kz]Нұрсұлтан Назарбаев Мәскеуде Владимир Путинмен кездесті[:]

Thu Jul 1 , 2021
Кездесу барысында Жоғары Еуразия экономикалық кеңесінің Құрметті төрағасы Қазақстан-Ресей ынтымақтастығы бұрыннан мемлекетаралық қатынастың жарқын үлгісі екенін атап өтті. «Біздің байланысымыздың тарихы, яғни Қазақстан мен Ресей арасындағы қарым-қатынас – тұрақты әрі мемлекетаралық қатынастың үлгісі болып саналады. Мен бұдан былай да осы бағытты ұстана беремін», – деді Елбасы. Нұрсұлтан Назарбаев Ресей Президентіне […]