ТҮРКІСТАН: ӘСКЕРИ АРДАГЕРЛЕРГЕ ҚҰРМЕТ КӨРСЕТІЛДІ

Түркістан қаласында Қазақстан Республикасы «Қарулы Күштерінің ардагерлері» республикалық қоғамдық бірлестігінің құрылғанына 10 жыл толуына орай салтанатты шара өтті.
Аталмыш шара «Қарулы Күштерінің ардагерлері» республикалық қоғамдық бірлестігінің Түркістан облыстық филиалының төрағасы запастағы подполковник Б.Т.Алдабергеновтың бастамасымен жүзеге асты. Сонымен қатар, облыстық қорғаныс істері жөніндегі департаментінің жеке құрамы және «Жас сарбаз» әскери-патриоттық клубының мүшелері осы шараның жоғары деңгейде өтуіне өз үлестерін қосты.
Жиын барысында бірнеше ардагерлерге Қазақстан Республикасы Қорғаныс министрінің, ҚР ҚК Бас штабы бастығының алғыс хаты табысталды. Сондай-ақ, мерекелік медальдармен Құрмет грамоталары табыс етілді.
“Ардагерлеріміз зейнетте жүрсе де, Қарулы Күштердің дамуы мен өркендеуіне өз үлестерін қосып, әскери ардагерлердің құқықтары мен мүдделерін қорғауда. Жастарымызға патриоттық тәрбие беру жолында аянбай еңбек етіп келеді. Ардагерлерге құрмет көрсету біздің және өскелең ұрпақтың міндеті, – дейді филиалдың төрағасы, Б. Алдабергенов.
Шараға қатысқан облыс әкімінің орынбасары Рашид Аюпов Отан алдындағы азаматтық борышына адал болған азаматтарға қандай құрмет көрсетілсе де жарасатынын айтты.
Шара соңы Түркістан мәдениет үйінің өнерпаздарының концерттік бағдарламасымен жалғасты.
Жалпы, бүгінгі таңда облыста 300-ге жуық әскери ардагер бар.
Желіде бөлісіңіз
Жарияланған

Аягөз Сәкенқызы

Пікір қалдыру

Э-пошта мекенжайыңыз жарияланбайды. Міндетті өрістер * таңбаланған

Келесі жазба

[:kz]Айтыскер ақын Әселхан Қалыбекова өмірден өтті[:]

Wed Jul 7 , 2021
Қазақтың арқалы айтыскер ақын қызы Әселхан Қалыбекова дүниеден озды.  «Алаштың аяулы ақыны, асыл анамыз Əселхан Қалыбекова бұл жалғанмен қоштасып, шын өмірге аттанды. Барша қазақ еліне қайғырып көңіл айтамыз. Жаназа уақытын қосымша хабарлаймыз»,– деп жазды Біржан Байтуов өз парақшасында. Әселхан Қалыбекова 1950 жылы 22 сәуірде Түркістан облысы Отырар ауданы Шәуілдір ауылында […]