Әбсаттар қажы Дербісәлі дүниеден өтті

Қазақстанның бұрынғы мүфтиі Әбсаттар қажы Дербісәлі өмірден өтті. Қаралы хабар туралы Ақпарат және қоғамдық даму министрі Аида Балаева өзінің Instagram-парақшасында жазды.

«Белгілі дінтанушы, шығыстанушы, исламтанушы ғалым, Әбсаттар қажы Дербісәлінің өмірден озуына байланысты марқұмның отбасы мен жақын-туғандарының қайғыларына ортақтасып көңіл айтамын. Бұл бүкіл қазақ руханиятына ортақ ауыр қайғы. Әбсаттар Бағысбайұлы бүкіл саналы ғұмырын имандылыққа арнап, асыл дініміздің тура жолын халыққа дұрыс жеткізу ісіне өлшеусіз еңбек сіңірді. Еліміздің Бас мүфтиі лауазымында жүрген уақытта қажы ағамызбен қызмет барысында жолығысып тұрдық. Қай кезде де өзінің кең мінезімен, терең білімімен, парасатты болмысымен руханият биігінен көрініп, еліміздегі ұлтаралық келісім мен дінаралық татулықтың өркен жаюына өлшеусіз үлес қосқан жан еді.

Әбсаттар қажы ағамыздың зиялы болмысы, еліне сіңірген еңбегі, жазған рухани шығармалары, жамағатты иман жолына шақыруда айтқан ақыл сөздері – ешқашан тозбас рухани қазына болып халқының жадында мәңгілік сақталады. Марқұмның жатқан жерi жарық, топырағы торқа болып, нұры пейіште шалқысын», – деп жазды министр.

Айта кетейік, бұған дейін экс-мүфтидің ауыр науқастанып, аурухананың жансақтау бөлімінде жатқаны туралы хабар тараған болатын.

Желіде бөлісіңіз
Жарияланған

"Әділет.тв" ақпараттық агенттігі

Пікір қалдыру

Э-пошта мекенжайыңыз жарияланбайды. Міндетті өрістер * таңбаланған

Келесі жазба

[:kz]Дәулет МҰСАЕВ, Түркістан облыстық жедел медициналық жәрдем станциясының бас дәрігері, Төлеби аудандық мәслихатының депутаты : «САПА БАР ЖЕРДЕ ХАЛЫҚТЫҢ СЕНІМІ БАР» [:]

Thu Jul 15 , 2021
«Тау баласы тауға қарап өседі» Ауылға не керек екенін сол жердің суын ішіп, тау-тасын кезген, бала кезден қыр төбеде шыбықты ат ғып ойнап өскен ер-азаматтан артық дөп басып кім біле алар? «Болар баланың бетін қақпа, белін бу» демей ме қазекең… Жанары жалынға, көкейі таудай асқақ армандарға толы Дәулет те асық […]