Тамыз айында 80-ге жуық отбасы жалдамалы баспанамен қамтылады

Шымкент қаласында биыл тамыз айында тұрғын үй кезегіндегі 74 азамат жалдамалы баспанаға қол жеткізеді. Бұл туралы Шымкент қаласының әкімдігінде өткен баспасөз брифингінде қалалық тұрғын үй басқармасы басшысының міндетін атқарушы Абылайхан Балықбаев мәлімдеді.

Қазіргі таңда 74 пәтер бойынша тұрғын үй комиссиясының шешімі қабылданып, тиісті құжаттары дайындалуда.

Аталған пәтерлер тұрғын үй кезегіндегі көпбалалы отбасылар, әлеуметтік жағынан әлсіз топ мүшелері және жетім және ата-анасының қамқорлығынсыз қалған балаларға қолданысқа берілмек.

Айта кету керек, ағымдағы жылы 976 азаматты сатып алу құқығынсыз арендалық пәтермен қамтамасыз ету көзделіп, 608 азамат тұрғын үймен қамтылды.

Атап айтқанда, 300 жалдамалы баспана жұмыс істеп жүрген жастарға, 18 пәтер жетім балаларға, 148 пәтер көпбалалы отбасыларға, 142 пәтер халықтың әлеуметтік жағынан әлсіз тобына қолданысқа берілген болатын.

Қалған 294 пәтер тұрғын үйлердің құрылысы аяқталуына қарай үлестірілетін болады.

Айта кетсек, тұрғын үй кезегіндегі азаматтарға жалдамалы баспаналар Заңға сәйкес белгіленген тәртіппен және кезек арқылы пайдалануға беріледі.

 

Желіде бөлісіңіз
Жарияланған

"Әділет.тв" ақпараттық агенттігі

Пікір қалдыру

Э-пошта мекенжайыңыз жарияланбайды. Міндетті өрістер * таңбаланған

Келесі жазба

[:kz]Ауыз су нысандарының құрылысын жеделдетуді тапсырды[:]

Tue Jul 27 , 2021
Шымкент қаласының әкімі Мұрат Әйтеновке биылғы жылдың алты айында атқарылған жұмыстар туралы есепті қалалық энергетика және инфрақұрылымды дамыту басқармасының басшысы Б.Болатбеков тапсырды. Басқарма басшысы берген ақпаратқа сәйкес, биылғы жылы басқарма тарапынан 93 жоба іске асырылуда. Оның ішінде ауыз су бойынша – 14, кәріз жүйесі – 13, электр энергиясы – 20, […]