Top.Mail.Ru
Террорлық акт. ЖАЛҒАН АҚПАРАТ ТАРАТҚАН ҮШІН ҚАНДАЙ ЖАЗА БАР?

Террорлық акт. ЖАЛҒАН АҚПАРАТ ТАРАТҚАН ҮШІН ҚАНДАЙ ЖАЗА БАР?

Біле тұра террорлық акт жайлы жалған ақпар беруді – адам өміріне қауіпті шығын алып келетін, едәуір мүліктік нұқсан немесе тағы басқа да қоғамдық қауіп-қатер келтіру үшін дайындалған жарылыстың шындыққа жанаспайтын, қылмыскердің өзіне ғана белгілі ақпаратты хабарды қабыл алушы тарапқа жеткізу деп түсінеміз.

Мұндай ақпаратты беру тәсілі әртүрлі болуы мүмкін (телефон арқылы жазбаша немесе ауызша формада беру). Қылмысты жасаудың себеп-салдары да әртүрлі болуы мүмкін: кәсіпорын немесе мекеменің жұмысын тоқтату, мектеп сабақтарын болдырмау және тағы басқа

Қазақстан Республикасы Қылмыстық кодексінің 273-бабына сәйкес біле тұра дайындалып жатқан террорлық акт жайлы жалған ақпарат бергені үшін қылмыстық жауаптылыққа тарту қаралған.

Біле тұра дайындалып жатқан террорлық акт жайлы жалған ақпарат беру – мекеменің қалыпты жұмысын тоқтатып қана қоймай, төтенше жағдайларда ғана көмек көрсетуге жасақталған құқық қорғау қызметтері мен органдарының күшін алаңдатады және көлік қозғалысы мен сауда орталықтары жұмысының немесе өндірістің тоқтауына байланысты экономикалық нұқсан да келтіреді.

Осыған байланысты жалған ақпар таратушы айыпты адамға мемлекеттік органдардың шеккен зияндарын өтеу туралы соттың шешімі шығарылады.

Өткен жылы біздің облыста мұндай бір дерек тіркелген.

Жаңа жыл қарсаңында Жетісайдағы полицияның кезекші бөліміне ауданның орталық ауруханасы ғимаратына жарылғыш құрылғы қойылғаны жайлы хабар келіп түскен.

Түскен ақпарат бойынша жедел түрде шығарылған қызметтер медицина мекемесінің жұмысын тоқтатып, науқастар мен медицина қызметшілерін қауіпсіз жерге көшірді.

Іздестіру шараларының нәтижесінде жарылғыш заттар мен құрылғылар аталған мекемеден табылмады.

Құқық қорқаушылар жалған ақпар берушіні анықтап, оны қамаққа алды. Ол – сол ауданның 42 жастағы тұрғыны болып шықты.

Терроризм жайлы жалған ақпар беру дерегі ҚР ҚК-нің 273-бабына сәйкес Сотқа дейінгі тергеп-тексерудің бірыңғай тізіліміне тіркелген. Қазіргі таңда Сотқа дейінгі тергеп-тексеру аяқталу сатысында.

Аталған бапқа сәйкес жалған террорлық акт жасаушыға жазаның бас бостандығын шектеу немесе 5 жыл мерзімге бас бостандығынан айыру не 5 мың АЕК көлемінде айыппұл салу түрі қолданылады.

Көп жағдайда адамдар қызықты әзілге айландыра берген жалған ақпар әрекеттері үшін жауаптылыққа тартылатындықтарын сезіне бермейді.

Жалған террорлық акт жасаушы қылмыстық жауаптылыққа тартылумен қатар қауіп-қатер жайлы түскен ақпарды тексеру үшін жүргізілген арнайы шаралар мен оны ұйымдастыруға кеткен шығындарға байланысты материалдық төлемдерді өтеуге де тартылатынын білгені жөн.

 

 

Желіде бөлісіңіз
ЖарияланғанІлмек сөздер

Гүлнұр Байдуллаева

Пікір қалдыру

Э-пошта мекенжайыңыз жарияланбайды. Міндетті өрістер * таңбаланған

Келесі жазба

[:kz]АСҚАР МАМИН – ШЫМКЕНТТЕ[:]

Thu Feb 13 , 2020
          Қазақстан Республикасының  Премьер-министрі Асқар Ұзақбайұлы Мамин Шымкентке жасаған  жұмыс сапары аясында қаланы дамыту мәселелері жөнінде кеңес өткізді.  Шымкентті дамытудың 2019-2023 жылдарға арналған кешенді жоспарын іске асыру туралы, әлеуметтік-экономикалық жағдай, инфрақұрылымдық құрылыс, электрмен және газбен жабдықтау, сондай-ақ, қаланың 2020 жылы Тәуелсіз Мемлекеттер Достастығының мәдени астанасы мәртебесін […]
Top.Mail.Ru