Top.Mail.Ru
Кәмелетке толмаған жасөспірімдер арасындағы құқық бұзушылық

Кәмелетке толмаған жасөспірімдер арасындағы құқық бұзушылық

Шымкент қаласы әкімі Ерлан Айтахановтың төрағалығымен аппараттық мәжiлiс өтті. Мәжілістің күн тәртібінде кәмелет жасына толмағандар арасындағы құқық бұзушылық пен қала аумағындағы төтенше жағдайлардың алдын алу  және жол құрылысы мәселелері қаралды. Жиында қаралған бірінші мәселе бойынша жергілікті полиция қызметі басқармасының бастығы Е.Сүлейменов, білім басқармасы басшысының міндетін атқарушы А.Текебаева мен отбасы, балалар және жастар істері жөніндегі басқармасының басшысы Ж.Қалтаев құқық бұзушылықтың алдын алу бойынша қалада  жүргізіліп жатқан жұмыстар туралы баяндады. Кәмелетке толмаған жасөспірімдер арасындағы қылмыстың дендеп бара жатқанын айтқан қала басшысы  тиісті мемлекеттік органдардың кәмелет жасына толмағандар арасындағы құқық бұзушылық профилактика бағытындағы жұмыстарының тиісті деңгейде ұйымдастырылмағанын аңғартатынын атап өтті.

Осы ретте әкім жергілікті полиция қызметіне аудан әкімдіктерімен және тиісті басқармалармен бірге кәмелет жасына толмаған балалар арасындағы құқық бұзушылыққа қарсы профилактикалық рейдтік іс-шараларды жүргізуді тапсырды.  Сонымен қатар, білім басқармасына мектептердегі психолог мамандардың жалпы білім деңгейлері мен біліктілігіне талдау жүргізуді, ал отбасы, балалар және жастар істері жөніндегі басқармасына кәмелет жасына толмаған балалар арасындағы құқық бұзушылыққа қарсы профилактикалық жұмыстарды күшейтуді қадап айтты.
Жиында қаралған келесі мәселе – қала аумағындағы төтенше жағдайлардың алдын алу бойынша Ерлан Қуанышұлы энергетика және коммуналдық шаруашылық басқармасы мен аудан әкімдеріне жауын-шашын маусымына дайындық жұмыстарын жүргізуді және ирригация желілерін тазарту жұмыстары мен су тартатын арнайы техникалардың дайындығын тексеруді жүктеді.
Жол құрылысы мәселелері туралы жолаушылар көлігі және автомобиль жолдары басқармасы басшысының баяндамасын тыңдаған қала басшысы шаһардағы көшелердің жағдайына аралау жүргізіліп, нәтижесінде бір қатар кемшіліктер анықталғанын айтты.
Осы кемшіліктерді жою мақсатында әкім салалық басқармаға қала көшелеріндегі жаяу жүргіншілер өткелін реттеуді және жол бойындағы жол белгілеріне кедергі тигізіп тұрған ағаштарды бұтау жұмыстарын жүргізуді айтты. Жиынды қорытындылаған қала әкімі сала жетекшілеріне әрбір іске жауапкершілікпен қарап, атқарылған жұмыстарды сөзбен емес іспен көрсетуді айтып, бірқатар нақты тапсырмалар жүктеді.

Желіде бөлісіңіз
ЖарияланғанІлмек сөздер

"Әділет.тв" ақпараттық агенттігі

Пікір қалдыру

Э-пошта мекенжайыңыз жарияланбайды. Міндетті өрістер * таңбаланған

Келесі жазба

[:kz]Емхана таңдауы өз қолыңызда![:]

Wed Sep 18 , 2019
Елімізде келер жылдан бастап міндетті әлеуметтік медициналық сақтандыру жүйесі мен кепілдендірілген медициналық көмек шеңберінде қызметтер көрсетілетін болады. Айта кетерлігі, 15 қыркүйектен бастап 15 қарашаға дейін елімізде емханаға тіркелу науқаны басталды. Биыл тіркеу eGov электронды үкімет веб-порталы арқылы жүргізіледі. Тіркелу үшін электронды цифрлық қолтаңба қажет. Бұл туралы «Әлеуметтік медициналық сақтандыру қоры» […]
Top.Mail.Ru