Top.Mail.Ru
Шымкентте 8000 орындық жаңа мешіттің құрылысы қызу жүргізілуде

Шымкентте 8000 орындық жаңа мешіттің құрылысы қызу жүргізілуде

Шымкент қаласында салынып жатқан 8000 орындық жаңа мешітте тазалық шарасы ұйымдастырылды.

Шымкент қаласының Бас имамы Б.Абдурахмановтың жетекшілігімен өткен тазалық шарасына Абай, Әл-Фараби, Еңбекші және Қаратау ауданындағы мешіт имамдары мен «Зекет» қоры «Жастар секторы» өкілдерінің мүшелері қатысты. Бас имамның айтуынша, бұл шара айына бір рет ерікті түрде өткізіліп тұратын болып шешілді.

Сəулетті мешіт Шымкенттің жаңа әкімшілік-іскерлік аймағында бой көтеруде. Жеке инвестор есебінен салынып жатқан мешіт кешенінде автокөлік паркингі, күннен қуат алатын құрылғылар қойылады. 8 мың адамға арналған зәулім мешіттің құрылысын «Мұнай Құрылыс Сервис» ЖШС жүргізіп жатыр. Мұнда сонымен қатар, мұсылмандық жораларды жасайтын орындар, конгресс-холл, тамақтануға арналған зал, неке сарайы, исламдық білім беру орталығы, медресе, кітапхана мен әкімшілік бөлмелер, фитнес орталық салынады. Мешіт құрылысының жалпы көлемі – 12,0058 га, ал, паркингтың жалпы жер көлемі 218,8х58,8м-ды құрайды. Мешіттің төрт мұнарасы бар. Ал негізгі күмбездің биіктігі – 56 метр.

Жауапты мамандардың мәлімдеуінше, қазіргі таңда мешітте құрылыс қызу жүруде. Биыл онда негізгі құрылыс жұмыстары толық аяқталмақ. Келесі жылы сыртқы және ішкі әрлеу жұмыстары жүргізілмек.

Айта кетсек, сәулетті мешіт 2021 жылы сәуір айында, яғни, Рамазан айы қарсаңында ел игілігіне беріледі деп жоспарлануда.

Желіде бөлісіңіз
Жарияланған

Гүлнұр Байдуллаева

Пікір қалдыру

Э-пошта мекенжайыңыз жарияланбайды. Міндетті өрістер * таңбаланған

Келесі жазба

[:kz]Шымкент: 260 жаңа үлгідегі аялдама орнатылады[:]

Fri Jun 5 , 2020
Шымкентте екі түрлі үлгіде 260 жаңа аялдама орнатылмақ, деп хабарлайды қала әкімінің баспасөз қызметі. Орнатылатын кішкентай аялдаманың құны 900 мың теңге болса, үлкені 2 миллион теңгені құрайды. Кіші аялдамаларды жолаушысы аз мекендерге қою жоспарлануда. Жаңа аялдамалар бұрынғысынан сынбайтын терезелерімен ерекшеленеді. Сондай-ақ, аялдамалардың ені бұрын 60 см болса, қазіргісі 40 см […]
Top.Mail.Ru