Top.Mail.Ru
Жаңа денсаулық сақтау министрі тағайындалды

Жаңа денсаулық сақтау министрі тағайындалды

А.В. Цойды Қазақстан Республикасының Денсаулық сақтау министрі қызметіне тағайындау туралы Президент жарлығы шықты.

«Алексей Владимирович Цой Қазақстан Республикасының Денсаулық сақтау министрі болып тағайындалсын», – делінген онда

Еске салсақ, ол үш күн бұрын Үкімет қаулысымен Денсаулық сақтау бірінші вице-министрі болды.

Ал Елжан Біртанов Денсаулық сақтау министрі қызметінен Мемлекет басшысының Жарлығымен босатылды.

Алексей Владимирович Цой 1977 жылы 2 сәуірде Оңтүстік Қазақстан облысында дүниеге келген. Sells College (Лондон), Қазақстан мемлекеттік медицина академиясының аспирантурасын, Оңтүстік Қазақстан мемлекеттік медицина академиясын, «Дәнекер» халықаралық құқық және халықаралық бизнес институтын, РФ Президенті жанындағы Ресей халық шаруашылығы және мемлекеттік қызмет академиясының корпоративтік басқару жоғары мектебін тәмамдаған. Стэнфорд университетінде (АҚШ), Сингапурда, Мәскеуде, Германияда, Ұлыбританияда және т. б. елдерде тағылымдамадан өткен. Іскерлік әкімшілік докторы, медицина ғылымдарының кандидаты.

Хирург-эндоскопист болып жұмыс істеген, Қалпына келтіру хирургиясы және трансплантология орталығының аға ғылыми қызметкері, Ұлттық ғылыми медицина орталығының ішкі медицина орталығының жетекші ғылыми қызметкері, «Еуроазиаттық респираторлық қоғам» қоғамдық бірлестігінің бас хатшысы, ҚР Президенті Іс басқармасының Заманауи медициналық технологияларды енгізу орталығының директоры, ҚР Президенті Іс басқармасының Медициналық орталығының басшысы, Астана қаласының №1 қалалық ауруханасының бас дәрігері, ҚР денсаулық сақтау және әлеуметтік даму вице-министрі, ҚР денсаулық сақтау вице-министрі қызметтерін атқарған.

2019 жылғы ақпаннан бастап осы уақытқа дейін Қазақстан Республикасы Президенті Іс басқармасының Медициналық орталығын басқарды.

Желіде бөлісіңіз
Жарияланған

"Әділет.тв" ақпараттық агенттігі

Пікір қалдыру

Э-пошта мекенжайыңыз жарияланбайды. Міндетті өрістер * таңбаланған

Келесі жазба

[:kz]Шымкент: Әл-Фараби ауданында залалсыздандыру шаралары қызу жүріп жатыр[:]

Thu Jun 25 , 2020
Шымкент қаласы Әл-Фараби ауданында тұрғындардың қауіпсіздігі мен денсаулығын қорғау мақсатында залалсыздандыру жұмысы кестеге сәйкес жүргізілуде. Аудан бойынша жалпы 672 көпқабатты тұрғын үй мен 404 көше бар. Бүгін 41 көпқабатты тұрғын үйдің ауласы мен жертөлелеріне, кіреберіс алаңдарына және 37 көшеге дезинфекциялау жұмысы жүргізілді. Сонымен қатар, аудан әкіміді тұрғындардан аса қажет болмаған […]
Top.Mail.Ru