Top.Mail.Ru
Шымкент: Эпидемиологиялық жағдайды қалыпқа келтіру үшін ауқымды жұмыстар атқарылуда

Шымкент: Эпидемиологиялық жағдайды қалыпқа келтіру үшін ауқымды жұмыстар атқарылуда

Шымкент қаласында еліміздегі эпидемиологиялық жағдайды қалыпқа келтіру барысындағы Мемлекет басшысы Қ.Тоқаевтың тапсырмалары дер кезінде орындалуда. Мәселен, Шымкент қаласында республика бойынша алғаш рет 51 күндізгі стационар ашылды. Нәтижесінде, қалада инфекциялық дертке шалдыққан науқастарға медициналық көмек көрсету екі есеге күшейді. Бұл емдік жұмыстарын арттыру жөнінде Шымкент қаласының әкімі Мұрат Әйтенов ақпараттық-коммуникациялық орталығында өткен брифингте айтқан болатын. Аталған тапсырма мүлтіксіз орындалып, қаладағы эпидемиологиялық жағдай ретке келді.

Маусым айының соңында Шымкент қаласында жұқпалы аурумен ауырған науқастар саны күрт өсті. Пневмониямен ауырғандар 5,8 есеге, ал ЖРВИ-мен ауырған науқастар саны 2 есеге артты. Осы жағдайға байланысты жедел жәрдем қызметіне қоңырау шалатын тұрғындар саны 5 есеге көбейді. Орта есеппен бір күнде 2100-ден аса шақырту түсе бастады. Бұл шақыртуларға дәл уақытында қызмет көрсету үшін Шымкент қаласының әкімі Мұрат Дүйсенбекұлының тапсырмасымен жедел түрде провизорлы орындар ашылды. Бүгінде қалада барлық медициналық құрал-жабдықтармен қамтылған 2870 төсек-орын бар. Оның 650-і жұқпалы ауруханаларға, 2220-сы провизорлы орынға арналған. Яғни, инфекциялық ауруға шалдыққан науқастар үшін орын жеткілікті. Дегенмен жағдай қалыпқа келсе де, резервтік провизорлы орындар дайындалуда. Кеше жеңіл атлетикалық спорт кешенінен 150 орын дайындалды. Бұл орындар 1 шілде күні 450 орынға жетпек.

Айта кетейік, Шымкент қаласында халықтың денсаулығын нығайту мақсатында күндізгі стационар қызметкерлері демалыссыз қызмет көрсетуде. Ал барлық ауруханалар мен емханаларға дәрі-дәрмек үзіліссіз жеткізілуде.

Шымкент ақпараттық-коммуникациялық орталығы

Желіде бөлісіңіз
Жарияланған

"Әділет.тв" ақпараттық агенттігі

Пікір қалдыру

Э-пошта мекенжайыңыз жарияланбайды. Міндетті өрістер * таңбаланған

Келесі жазба

[:kz]Шымкент: 245 көшедегі қалаішілік жолдардың құрылысы қызу жүргізілуде[:]

Tue Jun 30 , 2020
Еліміздегі үшінші мегаполис саналатын Шымкент қаласының жолдарын жөндеуге биыл 27 миллиард теңге қаржы бөлініп отыр. Бұл – бұрын-соңды болмаған рекордтық көрсеткіш екенін айта кету керек. Қазіргі таңда шаһарда жол құрылысы қыза түскен. Құрылыс сапасын қала әкімі М. Әйтеновтің өзі қатаң бақылауға алған. Бұл ретте, мердігерлер күзге дейін 414 шақырым жолдың […]
Top.Mail.Ru