Top.Mail.Ru
Шымкент: Спорт кешенінен ашылған провизорлы орталықта науқастарға жедел көмек көрсетілуде

Шымкент: Спорт кешенінен ашылған провизорлы орталықта науқастарға жедел көмек көрсетілуде

Шымкент қаласында эпидемиологиялық жағдайды ретке келтіру және коронавирустық инфекцияның кең таралуын болдырмау мақсатында науқастарға қажетті медициналық көмек көрсетілуде.

Осы орайда, Шымкенттегі Жеңіл атлетика спорт кешенінің ғимаратынан ашылған 600 орындық провизорлы орталықта дәрігерлер ем қабылдаушыларға шұғыл көмек қолын созуда. Мұнда қала аумағындағы барлық емханалардан білікті дәрігерлер шақырылған. Дәрі-дәрмек тегін.

Бұған дейін қаладағы «Самал-3» шағынауданында жаңа мектептен – 400 орындық, Политехникалық колледжінен – 400 орын, ҰОС ардагерлері орталығынан 100 орындық провизорлы орындар ашылған еді. Сондай-ақ, тұрғындарға көмектесетін «iKomek» орталығы ашылды. Жедел желіде күндіз-түні тұрғындардың қоңырауларына жауап беріледі. 109 нөміріне қоңырау шалғандар қазіргі эпидемиологиялық жағдайға байланысты сауалдарына жылдам жауап ала алады. Сонымен қатар iKomek орталығының 87777109109 ватсап нөмірі де тұрғындар үшін тәулік бойына қызмет етеді.

Айта кетейік, қала әкімі М.Әйтеновтің тапсырмасына сәйкес, шаһарда бүгінге дейін барлық медициналық құрал-жабдықтармен қамтылған 3320 провизорлы орын ашылды. Оған қоса қалада 51 күндізгі стационар жұмыс істеуде. Бұл ретте, науқастарға көмек көрсету екі есеге күшейді. Бүгінгі таңда Шымкент қалалық Тауарлар мен көрсетілетін қызметтердің сапасы мен қауіпсіздігін бақылау департаменті өкілдері қала дәріханаларындағы халық сұранысына ие 77 дәрі түрлерінің бағасы және олардың жеткізілуі бойынша күнделікті мониторинг жасауда. Нәтижесінде, дәріханаларда дәрі-дәрмек қоры жеткілікті екені анықталды.

Желіде бөлісіңіз
Жарияланған

Гүлнұр Байдуллаева

Пікір қалдыру

Э-пошта мекенжайыңыз жарияланбайды. Міндетті өрістер * таңбаланған

Келесі жазба

[:kz]Шымкент: Қалада атмосфералық ауаның жай-күйін көрсететін LED экрандар орнатылады[:]

Sat Jul 4 , 2020
Бүгін Шымкент қаласы әкімдігінде Шымкент қаласы Табиғи ресурстар мен табиғат пайдалануды реттеу басқармасының басшысы Ахмет Татыбаевтың қатысуымен атқарылған жұмыстар және жоспарлар бойынша брифинг өтті. Баспасөз мәжілісінде Ахмет Өтегенұлы аталған басқарманың 6 айлық жұмысын қорытындылап, алдағы жоспарлары жайлы айтты. – 2020 жылы қоршаған ортаға эмиссия үшiн төлемдер түсімі 975,916 млн теңге […]
Top.Mail.Ru