Top.Mail.Ru
Белгілі қаламгер Талғат Орманов дүниеден озды

Белгілі қаламгер Талғат Орманов дүниеден озды

Белгілі қаламгер, журналист, “Дөңгеленген дүние” газетінің негізін қалаушы әрі Бас редакторы ТАЛҒАТ ОРМАНОВ 60 жасқа қараған шағында дүниеден озды.

Қаламы қуатты қаламгер Талғат Орманов 1961 жылы 11 сәуірде Бәйдібек ауданында дүниеге келген. Ол Оңтүстік өңіріндегі баспасөз саласының дамуы жолында өз үлесін қосқан ардақты азамат.

Талғат Орманов 1990 жылдары Ордабасы, Бәйдібек, Созақ ауданында тұрған көзі қарақты көрерменнің жадында жақсы сақталса керек. Өйткені, Тәкең байыпты қадамын облыстық телеарнаның аталмыш аудандарындағы меншікті тілшісі болып бастаған. Сол жылдары үш ауданнан хабар таратып, жаңалықтың жаршысы болды. Қарапайым бұқараның қалың мұңын жоғарыдағыларға жеткізіп, біраз мәселенің оң шешілуіне ықпал етті. Сондай-ақ, Талғат Орманов журналистік қызметі кезінде көптеген өткір мәселені көтеріп, оның шешімін табуына атсалысты. Атап айтқанда, меншікті тілші болған жылдар ішінде Ордабасы, Бәйдібек, Созақ аудандарындағы тарихи жерлерге түсірілім жасап, қасиетті мекендерді насихаттады. Оның түсірген кадрлары кейін республикалық, «Хабар», «Қазақстан» арналарында көрсетілді. Қиын-қыстау сәтте тілшілік қызметін үлкен абыроймен атқарған журналистика майталманы кейінгі жылдары республикалық “Дөңгеленген дүние” газетінің бас редакторы болды. Мұнда да қаламгер қазақы салттың салтанат құрып, қасиетті орындардың насихатталуына тер төкті.

Кең пейілі, аңқылдаған Тәкеңнің журналистика саласындағы атқарған еңбегі елеулі. Ақындығы да бөлек еді. Оның қасиетті сөз өнеріне деген құрметі, өз кәсібіне деген жауапкершілігі, жанкештілігі – журналистика деген жүгі ауыр саланы таңдаған жастарға үлгі. Амал нешік, сұм ажал ақжүрек азаматтың өмір жолын ерте кесті. Біз, осы азалы сәтте марқұмның отбасына, туған-туыстарына қайғыра көңіл айта отырып, жатқан жері жайлы, топырағы торқа болсын дейміз.

Желіде бөлісіңіз
Жарияланған

"Әділет.тв" ақпараттық агенттігі

Пікір қалдыру

Э-пошта мекенжайыңыз жарияланбайды. Міндетті өрістер * таңбаланған

Келесі жазба

[:kz]Шымкентте қауіпті індеттен 288 азамат жазылып шықты[:]

Tue Jul 7 , 2020
Соңғы эпидемиологиялық жағдай бойынша, Шымкент қаласы ауруханаларынан 288 азамат жазылып шықты, оның ішінде пневмониядан – 209, КВИ – 47, ОРВИ – 13. Қазіргі таңда олардың жағдайы жақсы. Дәрігерлердің тұрақты бақылауында. Осы орайда, қауіпті індетпен күресте аянбай тер төгіп жатқан шымкенттік дәрігерлердің еңбегі зор. Мәселен, ауыр халде ауруханаға жеткізілген науқастардың бірі […]
Top.Mail.Ru