ШЫМКЕНТ ҚАЛАСЫ ӘКІМІНІҢ ОРЫНБАСАРЫ ТАҒАЙЫНДАЛДЫ

Бүгін ҚР Президенті әкімшілігінің келісімімен Шымкент қаласының әкімі Мұрат Әйтеновтің өкіміне сәйкес қала әкімінің орынбасары болып Айманбетов Маулен Зарлықұлы тағайындалды.

Маулен Зарлықұлы 1966 жылы Алматы қаласында дүниеге келген. Білімі – жоғары. Мамандығы бойынша инженер-автомобиль жолдарының құрылысшысы, агроном, экономист және іскерлік әкімшілендіру магистрі.

Қызметтік жолын 1990 жылы «Алматы қала құрылысы» тресінің 2-ші құрылыс-монтаждау басқармасының шебері болудан бастаған. Кейіннен аталған басқарманың прорабы, басқарма бастығының орынбасары болған.

2000-2006 жылдары Қазақстан Республикасы Ауыл шаруашылығы министрлігінің “Фитосанитария” РМК бас директоры болып қызмет атқарған.

2006-2008 жылдар аралығында Қазақстан Республикасы Президенті Іс Басқармасына ведомстволық қарасты ұйымдарда түрлі лауазымда жұмыс істеген.

2008-2013 жылдары Астана қаласы Алматы ауданы әкімінің орынбасары болған.

Сондай-ақ, Көкшетау қаласында автомобиль жолдары комитетінің Ақмола облысы бойынша Автомобиль жолдары департаменті директорының орынбасары қызметін атқарған.

2014 жылдан бүгінгі күнге дейін «Қазақстан Республикасы Президентінің Іс Басқармасы» ММ күрделі құрылыс бөлімінің меңгерушісі қызметін атқарып келген.

Желіде бөлісіңіз
Жарияланған

"Әділет.тв" ақпараттық агенттігі

Пікір қалдыру

Э-пошта мекенжайыңыз жарияланбайды. Міндетті өрістер * таңбаланған

Келесі жазба

[:kz]Түркістан облысында жеңіс мемориалы мен балалар ойын алаңы ашылды[:]

Fri Sep 11 , 2020
Түркістан облысы Созақ ауданына қарасты Жартытөбе ауыл округі, Бабаата елдімекенінде Жеңіс мемориалы мен балаларға арналған ойын алаңы ашылды.  Жеңіс мемориалды тақтасына осы өңірден сұрапыл соғысқа аттанған ерлер мен тылда еңбек еткен 400 ардагердің есімі жазылған. Аталмыш жобалар ««Қазатомөнеркәсіп» Ұлттық атом компаниясы» АҚ мен «Росатом» мемлекеттік корпорациясы компаниясының қолдауымен жүзеге асуда. […]