Бәйдібек ауданында биыл жылына 800 тонна өнім өндіретін жылыжай кешені ашылады

Бәйдібек ауданындағы Жамбыл ауылында “Бақыт-Ислан” ЖШС-і заманауи озық үлгідегі жылыжай кешенін салуда. Жалпы аумағы 5 гектар, жылыжайдың аумағы – 3 га. Жобаның құны – 750 млн теңге. Жылыжайдың жылдық қуаттылығы – 700-800 тонна. Кешенде 60 адам жұмыспен қамтылатын болады. 2019 жылдың тамыз айында құрылысы басталған жоба биыл толық аяқталып жұмысын бастайды.

Бұдан бөлек, аталған жылыжай кешенімен іргелес жатқан «Бекет Тынысбаев» серіктестігі 2013 жылдан жылыжай кешенімен айналысып келеді. Бұл аудандағы алғашқы құрылған жылыжай шаруашылығы. Жалпы аумағы 50 сотық. Онда қазіргі таңда 12 адам жұмыс істейді. Жылына 2 өнім алады. Алғашқы өнімге қызанақ егіп, 50 сотық жерден 48 тонна өнім алған. Оны серіктестік иесі Амина Сыздықова аудан мен Шымкент қаласына 150 теңгеден саудалаған. Екінші өнімге қияр еккен. Жылыжай жылына 70 тонна өнім алып отыр.

Айта кетерлігі, Бәйдібек ауданында ауыл шаруашылығы саласында 2539 құрылым бар. Атап айтқанда, 2161 шаруа қожалық, 128 өндірістік кооператив, 249 жауапкершілігі шектеулі кәсіпкерлік жұмыс істейді. Жалпы ауыл шаруашылығы мақсатындағы жер көлемі – 539 129 гектар. 2020 жылдың 8 айында ауданда 17 млрд 333,5 млн теңгенің ауыл шаруашылығы өнімі өндірілген.

Желіде бөлісіңіз
Жарияланған

"Әділет.тв" ақпараттық агенттігі

Пікір қалдыру

Э-пошта мекенжайыңыз жарияланбайды. Міндетті өрістер * таңбаланған

Келесі жазба

[:kz]Отырар ауданының полицейлері бір тәулік ішінде 50-ден астам жол ережесін бұзушыларды анықтады[:]

Tue Sep 22 , 2020
Осы демалыс күндері Түркістан облысы Отырар ауданында Отырар АПБ жеке құрамы “Қауіпсіз аудан” алдын алу жедел іс-шарасын өткізді. Оның негізгі мақсаты жол-көлік оқиғаларының алдын алу және ескерту, жүргізушілер мен жаяу жүргіншілер арасында ЖҚЕ өрескел бұзушылықтарын анықтау, жол қауіпсіздігінің сақталуын бақылау, сондай-ақ қоғамдық құқықтық тәртіп пен азаматтардың тыныштығын қамтамасыз ету болып […]