Мемлекет басшысы Қасым-Жомарт Тоқаев онлайн форматта өтіп жатқан «Nur Otan» партиясының кезектен тыс XXII съезінде партияның атауын «Аманат» деп өзгерту туралы ұсынысты қолдады, деп хабарлайды adilettv.kz ақпараттық порталы.
Бұл ұсынысты Мәжіліс төрағасы Ерлан Қошанов ұсынған болатын.
«Бұл жерді және халықты ата-бабаларымыз сеніп тапсырды. Біз оны келер ұрпаққа жеткізуіміз керек. Біз халық тұтастығын, ұлттар татулығын, еңбекқорлықты болашақ ұрпаққа жаңғыртып жеткізуге міндеттіміз. Осыған байланысты партияны «Аманат» деп қайта атауды ұсынамын», – деді ол.
