Шымкент қаласының әкімі Ғабит Сыздықбеков қала аумағын аралау барысында бірқатар әлеуметтік және инфрақұрылымдық нысандардың жұмысымен танысты.
Іссапар аясында қала басшысы Асар-2 шағынауданында орналасқан жалдамалы тұрғын үйлердің кілттерін табыстау рәсіміне қатысып, тұрғын үй кезегінде тұрған 30 отбасының қоныс тойына ортақтасты. Әкім жаңа қоныс иелерін құттықтап, әр шаңыраққа тұрақтылық, береке мен жайлылық тіледі.
Сонымен қатар, Айқап-Түркістан шағынауданында кәріз желілері құрылысының аяқталу барысы қаралып, Нұртас және Ұлағат тұрғын алаптарындағы су бұру жүйелерінің қазіргі жағдайы тексерілді. Нұртас шағынауданында сапа талаптарының сақталмауы салдарынан асфальт жабынының отыруы анықталып, мердігер ұйымға жол учаскелерін қалпына келтіру бойынша нақты тапсырма берілді.
