Полиция Алматыда шекара қызметінің подполковнигінің ұсталғаны туралы ақпаратқа жауап берді, — деп хабарлайды Aspan.info.
Әлеуметтік желідегі ақпаратқа сәйкес, офицер педофилиямен айналысты деген күдікпен ұсталған. Алматы полициясы тергеу жариялады.
«Аталған факті бойынша Ішкі істер министрлігінің Оңтүстік өңірлік әскери тергеу басқармасы тергеу жүргізіп жатыр. Объективті мән-жайлар анықталуда», — деп хабарлады Алматы полиция департаментінен.
Еске салайық, Мәжіліс Қазақстанда педофилдер мен бала өлтірушілерді өмір бойына бас бостандығынан айыру жазасын енгізетін әйелдердің құқықтары мен балалардың қауіпсіздігін қамтамасыз ету туралы заң қабылдаған болатын. Сонымен қатар, құжат 16 жасқа толмаған тұлғаларды жыныстық қудалау үшін қылмыстық жауапкершілікті күшейтеді.
