Газа секторы Израильдің әрекеттері мен жалғасып жатқан гуманитарлық дағдарысқа байланысты Маршалл жоспарына мұқтаж. Бұл туралы Палестинаның уақытша үкіметінің премьер-министрі Мұхаммед Штайе АҚШ конгресінің мүшелері делегациясымен кездесуі барысында айтты, — деп хабарлайды Aspan.info тілшісі Gazeta-ға сілтеме жасап.
«Газа секторы Израиль агрессиясының салдарынан бұрын-соңды болмаған гуманитарлық апатпен бетпе-бет келіп отыр және агрессия тоқтаған бойда оған Маршалл жоспары, соның ішінде көмек көрсету, қайта құру және экономиканы қалпына келтіру қажет», — деп келтіреді WAFA Штайе.
Премьер-министр АҚШ-ты атысты тоқтатуды жеңілдетуге және анклавқа гуманитарлық көмек жіберу үшін бақылау-өткізу пункттерін ашуға көмектесуге шақырды.
