37 C
Shymkent
15 июля, 2025
Жаңалықтар Қоғам Шымкент

ЖАҢАРУ КҮНІНДЕ ДАРХАН САТЫБАЛДЫ КӨПШІЛІКПЕН БІРГЕ АҒАШ ЕКТІ

Ұлыстың ұлы күні биыл 10 күн тойланып жатыр. Елімізде Наурызнама онкүндігінің алтыншы күні – Жаңару күні. Осы күні көктемгі ағаш егу дәстүрін жалғастыру ұсынылған болатын. Бүгін, Түркістан облысында Наурызнаманың онкүндігі аясында «Наурыз – жаңару мен жаңғырудың, татулықтың бастауы» деген атпен барлық өңірде ағаш егу дәстүрі басталды. Жаңару айын жақсылыққа балаған түркістандықтар «Түркістан Білім-инновация» лицейінің айналасын көшетпен көмкерді. Наурыз мерекесі аясында өткен шараға Түркістан облысының әкімі Дархан Сатыбалды, мемлекеттік мекемелердің басшылары, мемлекеттік қызметшілер, аталған білім ұясының ұстаздары мен оқушылары, коммуналдық сала өкілдері қатысты.
Мектеп ауласында терек, қарағаш, үйеңкі ағаштары сынды ағаш егілді. Игі бастамаға қолдау білдірген облыс әкімі Дархан Сатыбалды көппен бірге ағаш көшеттерін егіп, бұл бастаманың мәні зор екенін, көгалдандыру жұмыстары жалғасатынын жеткізді. Әрбір тұрғын тазалықты өз ауласынан бастап, қала аумағын жасыл желекпен көмкеруге үлес қосуы тиіс екенін айтты.
Облыс әкімі Дархан Сатыбалдының тапсырмасына сәйкес, Түркістан облысының елді мекендерін көгалдандырудың 2022-2024 жылдарға арналған іс-шара жоспары бекітілді. Биылғы көктемде облыс бойынша 520 мыңнан аса көшет егіледі деп күтілуде. Осы бағытта жұмыс жүріп жатыр.
Айта кетейік, Наурызнама онкүндігі 23-наурызға дейін жалғасады.
Түркістан облысы әкімінің баспасөз қызметі
Бөлісу

ҚАТЫСТЫ ПОСТТАР

ТҮРКІСТАН ОБЛЫСЫ ТҰРҒЫНДАРЫНА АУЫЛ ШАРУАШЫЛЫҒЫНА КӨРСЕТІЛЕТІН ҚОЛДАУЛАР МЕН БАҒДАРЛАМАЛАР ТҮСІНДІРІЛДІ

Ақтөбе облысында автокөлікті еріген қар суы басып қалды

admin

Алматы облысының сот орындаушысы жиналған алимент төлемдерін ұрлады деген күдікке ілінді

Пікір қалдырыңыз