6.3 C
Shymkent
24 октября, 2024
Ақпарат

ДАРХАН САТЫБАЛДЫ «ЖАЙЛЫ МЕКТЕПТІҢ» ҚҰРЫЛЫСЫН ПЫСЫҚТАДЫ

Түркістан облысында «Жайлы мектеп» пилоттық ұлттық жобасы аясында білім ошақтарының құрылысы қарқынды жүргізіліп жатыр. Сарыағаш ауданында осы бағытта 10 мектеп салу жоспарланған. Облыс әкімі Дархан Сатыбалды жұмыс сапары аясында «Телемұнара» шағынауданындағы 900 орындық білім ошағының құрылыс алаңына барды. Мердігерлермен кездесіп, мерзімінде аяқтауды тапсырды. Нақты міндеттер жүктеді.

Құрылыс нысанында қазіргі уақытта 80 адам жұмыс істеп жатыр. Жертөле қабырғалары құйылып, жабын қабаттарының темір бетон құю жұмыстары жүргізілуде. Кірпіш қалау жұмыстары жүргізілуде. Сарыағаш ауданында өзге де білім нысандары салынып жатыр. Оспанов көшесінің бойынан Сүлейменов атындағы 300 орындық мектептің құрылысы басталып кеткен. Сонымен қатар Дербісек, Жаскешу елді мекендерінде аталған жоба аясында мектеп ғимараттарының құрылыс жұмыстары жүргізілуде. Биыл «Самал-3» мөлтек ауданынан 1500 орындық мектептің құрылыс жұмыстарын бастау жоспарлануда. Айта кетейік, Мемлекет басшысының арнайы тапсырмасымен үш ауысымды, апатты, ескі мектептер мәселесін шешу бағытында «Жайлы мектеп» пилоттық ұлттық жобасы әзірленді. Жоба шеңберінде заманауи мектеп ғимаратының құрылысы жүргізіліп, ауыл және қала мектептерінің айырмашылығын едәуір азайту көзделген. Осы жоба аясында Түркістан облысында 63 мектеп салу жоспарланған

Бөлісу

ҚАТЫСТЫ ПОСТТАР

2,5 МЛН ТЕҢГЕНІҢ ВЕЛОСИПЕДТЕРІН ҰРЛАҒАН КҮДІКТІ ҚҰРЫҚТАЛДЫ

AdiletTV

Мемлекет басшысы БАҚ өкілдерін марапаттады

AdiletTV

ОБЛЫСТА 90%-ДАН АСТАМ ЖЕР МАРОККО ШЕГІРТКЕСІНЕ ҚАРСЫ ӨҢДЕЛДІ

AdiletTV

Пікір қалдырыңыз