Қазір (сағат 22:23-тегі жағдай бойынша) Алматыда әлеуметтік нысандар мен көпқабатты үйлердің зақымдануы туралы 156 арыз түсті, — деп хабарлайды AdiletTV тілшісі Төтенше жағдайлар министрлігінің баспасөз қызметіне сілтеме жасап.
Сондай-ақ олар сенім телефонына барлығы 239 ақпараттық қоңырау түскенін хабарлады.
«Халықты қабылдау пункттерінде 102 адам болса, оның 43-і балалар. Тіршілікті қамтамасыз ету нысандары, сондай-ақ әуежай, вокзал және метро штаттық режимде жұмыс істейді», — деп хабарлады ведомстводан.
Алматылықтар жер сілкінісінен кейін су құбырларының сынуына, қабырғалардың жарылуына, әйнектің сынуына шағымданып жатқанын жазған едік.
