Бүгін, 13 қарашада, көлік-логистика саласын дамыту мәселелері бойынша Қазақстан Республикасы Қауіпсіздік Кеңесінің шұғыл отырысы өтеді.
Жиын Мемлекет басшысы Қасым-Жомарт Тоқаевтың төрағалығымен өтеді. Бұл туралы Президенттің баспасөз хатшысы Айбек Смадияров хабарлады.
«Жиын барысында Президент „Самұрық-Қазына“ ұлттық әл-ауқат қоры мен „Қазақстан темір жолы“ ҰК“ АҚ басшыларының сыбайлас жемқорлық қылмысына қатысы бар деген күдікпен ұсталуына байланысты мемлекеттің ұстанымын жеткізеді», – деді ол.
Сонымен қатар Мемлекет басшысы «Заң мен тәртіп» қағидатын сақтау, ұлттық компаниялар басшыларының жеке жауапкершілігі, сондай-ақ еліміздегі стратегиялық маңызы бар кәсіпорындардың қызметінде заңдылық пен ашықтықты қамтамасыз ету мәселелеріне ерекше назар аударады.
