Бекнұр Талғатұлы биыл алғаш рет мектеп табалдырығын аттады. Ол қызметтік міндеттерін атқару кезінде қаза тапқан полиция капитаны Талғат Чулдаковтың ұлы. Еңбекші ауданы полиция басқармасы криминалдық полиция бөлімінің жедел уәкілі 2018 жылдың тамызында жол-көлік оқиғасынан қаза тапқан. Ол кезде Бекнұр небәрі 10 айлық еді. Қазір ол алты жаста және оның өміріндегі ең маңызды сәттердің бірі – білім алуға алғашқы қадам жасау уақыты келді.
Бұл айтулы күн бала үшін ерекше және есте қаларлық болды: оны мектепке әкесінің әріптестері шығарып салды. Еңбекші АПБ-ның қызметкерлері Бекнұрды үй ауласында қарсы алып, полиция автокөлігімен мектепке жеткізді.
Білім беру мекемесінде тәртіп сақшылары бірінші сынып оқушысын сынып жетекшісіне тапсырып, оған қызықты сабақтар, жақсы бағалар мен көптеген бақытты сәттер тіледі.
Шымкент қаласы: полицейлер қаза тапқан әріптестерінің ұлын білім күні қарсаңында мектепке алып барды.
