Қарағанды облысында блок-бекетте полицейлер ұрланған жылқылар тиелген жүк көлігін ұстады, – деп хабарлайды Polisia.kz. 9 қараша күні Қарағанды облысы полиция департаментіне Астана қалалық полиция департаментінен ұрланған жылқылар тиеген КамАЗ жүк көлігі Қарағандыға қарай бағыт алып бара жатқаны жөнінде жедел ақпарат келіп түсті.
Теміртау қаласындағы блок-бекеттердің бірінде тексеріс жүргізіп жатқан патрульдік полицейлер аталған көлікті тоқтатты. Көлікті басқарған азамат Түркістан облысының 48 жастағы тұрғыны болған. Біраз уақыттан кейін Ақмола облысының 54 жастағы тұрғыны бейнежазбадан өзіне тиесілі ұрланған 27 жылқысын таныған. Аталған дерек бойынша қылмыстық іс қозғалып, сотқа дейінгі тергеу амалдары жүргізіліп жатыр.
БЕКЕТТЕ ПОЛИЦЕЙЛЕР ҰРЛАНҒАН ЖЫЛҚЫЛАР ТИЕЛГЕН ЖҮК КӨЛІГІН ҰСТАДЫ
