Мәжіліс депутаты, «AMANAT» партиясы фракциясының мүшесі Жанарбек Әшімжанов Халық Кеңесі – Үкіметтің бағдарламаларына, заң жобаларының тұжырымдамаларына, аймақтық даму жоспарларына нақты ықпал ететін механизм екенін мәлімдеді.
«AMANAT» фракциясы Кеңестің ұсынымдарын заңнамалық деңгейде сүйемелдегенде ғана аталған ұйымның беделі биік, бәсекесі жоғары болады. Республикамыздың басты капиталы – қоғамдық келісім. Ал этносаралық татулық – мемлекеттіліктің іргетасы. Халық Кеңесі этно-мәдени бірлестіктердің, азаматтық қоғам өкілдерінің, сарапшылардың басын қосатын алаң ретінде этносаралық қатынастардағы тәуекелдерді ерте анықтауға, жергілікті деңгейдегі түсініспеушіліктердің алдын алуға, ортақ қазақстандық бірегейлікті нығайтуға қызмет етеді», – деді депутат.
ЖАНАРБЕК ӘШІМЖАНОВ: «ОТАННЫҢ ТЫНЫШТЫҒЫ – ҚОҒАМНЫҢ ТҰТАСТЫҒЫ»
