Шымкентте жасөспірім кәмелетке толмаған қызды зорламақ болды деген күдікке ілінді, деп хабарлайды қалалық полиция департаменті.
Желіде бейнебақылау камераларының жазбасы тарады.
Онда жасөспірімнің кәмелетке толмаған қызға жақындап, оны ұстап алып, қашуға тырысқаны көрсетілген.
Полиция қылмыстық іс қозғады. Жасөспірімге қатысты шағым полицияға 1 ақпанда түскен. Онда жасөспірім кәмелетке толмаған қызды ұстап алып, заңсыз әрекеттер жасамақ болғаны айтылған.
«Полиция қызметкерлері дереу оқиға орнына барды. Күдікті ізін суытпай ұсталып, уақытша ұстау изоляторына қамалды. Жасөспірімнің ата-анасы полицияға жеткізілді», — дейді Шымкент қалалық полиция департаменті.
Қызбен психолог жұмыс істеуде. Оның өмірі мен денсаулығына қауіп төніп тұрған жоқ, деп атап өтті полициядағылар.
Қылмыстық іс қозғалды.
ШЫМКЕНТТЕ ЖАСӨСПІРІМ ОҚУШЫ ҚЫЗДЫ ЗОРЛАМАҚ БОЛҒАН
