Наурыз мейрамы – халқымыздың ғасырлар қойнауынан жеткен, табиғатпен үндескен ұлы мереке. Осы мейрам аясындағы ерекше мәнге ие күндердің бірі – 19 наурыз, Жаңару күні. Бұл күн тек табиғаттың ғана емес, адам санасының, қоғамның да жаңғыруын білдіретін маңызды кезең.
Жаңару күні – өткенге есеп беріп, болашаққа жаңа жоспар құратын, ескі көзқарастардан арылып, тың бастамаларға жол ашатын уақыт. Табиғат көктеммен бірге түлеп, тіршілік атаулы жанданған сәтте, адам баласы да өз өміріне өзгеріс енгізуге ұмтылады. Сондықтан бұл күн – рухани серпіліс пен жаңғырудың символы.
