Құқық қорғаушы Ләззат Рақышева Human Rights Lawyers қорына бір әйелдің шағымдағынын мәлімдеді. Әйел өзі перзентханада жатқан кезде туыстарының үйіне қалдырған тоғыз жастағы ұлының зәбір көргенін айтқан.
«Дәл осы күндері туыстарының бірі баланы қатарынан үш күн бойы зорлаған. Сондай-ақ кеше сол ер адам екінші әпкесінің ұлын да шамамен бес күн бойы зорлағаны белгілі болды», – деп жазды Рақышева.
Полиция аталмыш дерек бойынша қылмыстық іс тіркелгенін хабарлады. Арызға сәйкес бұл оқиғалар 2021 жылы болған.
Полиция департаменті тергеу аясында куәгерлерден жауап алынып, тергеу іс-қимылдарының жалғасып жатқанын атап өтті.
