Оны Астана полициясы ұстады. 27 жастағы BMW көлігінің жүргізушісі жол қозғалысы ережелерін өрескел әрі жүйелі түрде бұзып келген. Жыл басынан бері оған 61 рет әкімшілік жауапкершілік жүктелген. Оның 59-ы жылдамдықты асырғаны үшін. Ең қауіпті жағдайлардың бірі Әл-Фараби көшесінде тіркелген.
Мәліметке сәйкес, жас миллионер жаяу жүргіншілер өткелінен сағатына 133 шақырым жылдамдықпен қызылға өтіп кеткен. Бұған дейін 90 шақырым рұқсат етілген жерде сағатына 216 шақырым жылдамдықпен жүрген.
Жүргізуші ұсақ бұзақылық үшін жауапкершілікке тартылып, 15 тәулікке қамауға алынды. Көлік коммуналдық тұраққа қойылды.
Құқық бұзушы танымал мобильді ойын жасаушысы және долларлық миллионер Роман Линейцев болып шықты. Ол “Grand Mobile” атты танымал ойынды жасаған. Сонымен қатар Forbes журналының «30 жасқа дейінгі 30 үздік» тізіміне енген.
