Қытайдың Шанхай қаласында өткен WorldSkills Shanghai – 2026 халықаралық чемпионатында Қазақстанның намысын қорғаған Шымкент аграрлық-техникалық колледжінің түлегі Нодирбек Рустамханов кәсіби шеберлігі үшін медальға ие болды.
Ол «Сантехника және жылыту» құзыреттілігі бойынша бақ сынап, әлемнің әр елінен келген жас мамандар арасында өз шеберлігін жоғары деңгейде көрсетті.
Әлемдік деңгейдегі байқауда Қазақстан атынан 31 құзыреттілік бойынша 33 колледж студенті қатысты, оның ішінде Шымкент қаласының намысын абыроймен қорғаған Нодирбектің бұл жетістігі – кәсіби білім мен жұмысшы мамандықтардың беделін арттыруға қосылған маңызды үлес.
