Қарағанды облысында лицензиясыз білім беріп келген жекеменшік мектеп сот шешімімен таратылатын болды. Тиісті шешімді мамандандырылған ауданаралық экономикалық сот уәкілетті органның талап арызы негізінде шығарды.
Сот материалдарына сәйкес, жауапкершілігі шектеулі серіктестік 2025 жылғы 13 мамырда «жалпы орта білім беру» қызмет түрімен тіркелген. Алайда 2 қыркүйектен бастап мектеп лицензиясыз оқу процесін бастаған және рұқсат құжаттарынсыз қызметін жалғастырған.
Бұған дейін аталған ұйым лицензиясыз жұмыс істегені үшін әкімшілік жауапкершілікке тартылған. Айыппұл төленгенімен, білім беру қызметі тоқтатылмаған.
166 ОҚУШЫНЫҢ ТАҒДЫРЫ НЕ БОЛМАҚ: ҚАРАҒАНДЫ ОБЛЫСЫНДА ЛИЦЕНЗИЯСЫЗ ЖҰМЫС ІСТЕГЕН ЖЕКЕМЕНШІК МЕКТЕП ЖАБЫЛАДЫ
