Алматы қалалық жоспарлау және урбанистика басқармасының бұрынғы басшысына қатысты тергеу аяқталды, деп хабарлайды корреспондент AdiletTV
Бұл туралы Сыбайлас жемқорлыққа қарсы іс-қимыл агенттігінде хабарлады.
«Алматы қалалық жоспарлау және урбанистика басқармасының бұрынғы басшысына және басқа да тұлғаларға қатысты тергеу аяқталды. Қазіргі уақытта қылмыстық процеске қатысушылар ҚР Қылмыстық-процестік кодексінің 295, 296 — баптарына сәйкес іс материалдарымен танысады», — деп хабарлады Антикоре ресми сауалға жауап ретінде.
ҚР ҚІЖК-нің 201-бабына сәйкес өзге де ақпарат жариялауға жатпайды.
Естеріңізге сала кетейік, шілде айында Алматы қалалық жоспарлау және урбанистика басқармасының бұрынғы басшысы Алмасхан Ахмеджанов екі айға қамауға алынды. Шенеунік жер учаскелерін беру және объектілердің құрылысын келісу кезінде лауазымдық өкілеттіктерін асыра пайдаланды деп күдіктенеді.
