Халықаралық әйелдер күніне орай әйелдердің қоғамдық көлікте жүруі тегін болады. Бұл туралы Ақтау әкімдігінде хабарлады, — деп хабарлайды Tengrinews.kz тілшісі Lada.kz сайтына сілтеме жасап.
Алайда бұл күні барлық автобустар тегін болмайды.
«Ақтау қалалық жолаушылар көлігі және автомобиль жолдары бөлімі өкілдерінің айтуынша, №1, 2, 3, 4, 4М, 5, 6, 7, 8, 9 бағыттар бойынша әйелдердің жүруі тегін болады. Кәдімгі кестеге сәйкес сағат 06:40-тан 21:00-ге дейін», — деп хабарлады әкімдікте.
