Нұрайдың қазасына қатысты «Некеге тұруға мәжбүрлеу» бабы бойынша қылмыстық іс тіркелді
Мұны адвокат Аянхан Омаров мәлімдеді. Оның айтуынша, қазір Ішкі істер министрлігінен арнайы комиссия келіп, жедел-тергеу тобы құрылды. Қазір іс бойынша тергеу жұмыстары жалғасып жатыр екен.
Бұған дейін 11 қаңтар күні кешке Шымкентте көпқабатты тұрғын үйдің маңынан қыздың мәйіті табылған еді. Марқұмның денесінде пышақ жарақаттары болған.
Ал 20 қаңтар күні Ұлттық құрылтайда президент Ішкі министрлігіне Шымкент қалалық полиция департаментінің әрекетіне құқықтық баға беруді тапсырған еді. Сол мәлімдемеден соң полиция басшысы мен оның орынбасары қызметінен босатылды. Ал министрлік полицейлерге салғырттығы үшін қылмыстық іс қозғалғанын мәлімдеді.
НҰРАЙДЫҢ ҚАЗАСЫНА ҚАТЫСТЫ «НЕКЕГЕ ТҰРУҒА МӘЖБҮРЛЕУ» БАБЫ БОЙЫНША ҚЫЛМЫСТЫҚ ІС ТІРКЕЛДІ
